បរទេស៖ លោក Pep Guardiola មានបំណងបំបែកកំណត់ត្រា២នៅក្របខណ្ឌ Champions League នៅពេលដែលរូបលោកត្រូវដឹកនាំ Man. City ទៅកាន់ទឹកដី Santiago Bernabeu ដើម្បីជួបជាមួយក្រុមម្ចាស់ផ្ទះ Real Madrid ក្នុងការប្រកួតជើងទីពីរវគ្គពាក់កណ្តាលផ្តាច់ព្រ័ត្ររបស់ពួកគេនៅរាត្រីថ្ងៃពុធនេះ ខណៈអ្នកចាត់ការសញ្ជាតិអេស្បាញ វ័យ៥១ ឆ្នាំរូបនេះបានដឹកនាំក្រុមរបស់គាត់ឱ្យទទួលជ័យជម្នះលើកទីមួយក្នុងលទ្ធផល៤ទល់និង៣។
យ៉ាងណាមិញលោក Guardiola ដែលនិងត្រូវដឹកនាំក្លឹបអាជីព(Barcelona,Man.City) ប្រឈម នឹងក្រុម Real Madrid ២០ ដង នៅគ្រប់ការប្រកួតទាំងអស់នោះ គឺធ្លាប់ទម្លាក់ក្រុមជើងឯកទ្វីបអឺរ៉ុប ១៣សម័យចំនួនពីរដងនៅក្របខណ្ឌ Champions League ។មានន័យថាជាលើកដំបូង Barcelona បានយកឈ្នះក្នុងលទ្ធផល៣ទល់និង១នៅវគ្គពាក់កណ្តាលផ្តាច់ព្រ័ត្ររដូវកាល២០១០-២០១១មុនពេល បានដឹកនាំ Man City ទទួលបានជ័យជំនះក្នុងលទ្ធផល៤ទល់និង២នៅវគ្គ ១៦ ក្រុមចុងក្រោយនៅរដូវកាល២០១៩-២០២០ ។
ដូច្នេះប្រសិនលោកPep Guardiola និងអាចទម្លាក់Real Madrid ដើម្បីឈានដល់វគ្គផ្តាច់ព្រ័ត្រនោះរូបលោក នឹងក្លាយជាអ្នកចាត់ការដំបូងគេក្នុងប្រវត្តិសាស្ត្រ Champions League ដែលអាចទម្លាក់Real Madrid បីដងបាន។និងអាចផ្តួលក្រុមអធិរាជសសម្រាប់ការប្រកួតនៅទឹកដីSantiago Bernabeu ចំនួនបីលើកផងដែរ ។ទោះយ៉ាងណាMan.City មិនស្គាល់ចាញ់ក្នុងការប្រកួតគ្រប់ក្របខណ្ឌ ១៤លើកចុងក្រោយ ទាមទារត្រឹមតែស្មើក៏អាចជួយអោយពួកគេកក់កៅអីនៅទីក្រុងប៉ារីសដើម្បីជួបជាមួយហង្សក្រហមLiverpool បានផងដែរ ៕
ប្រភពព័ត៍មាន៖ Sportsmole