ប្រទេសអាល្លីម៉ង់៖ ក្រោយពីបានស៊ុតបាល់បញ្ចូលទីដ៏ច្រើនបំផុតក្នុងអាជីពនៅ Bundesliga តាមរយៈការរកបាន៣៤គ្រាប់នៅរដូវកាលនេះ ក្រុមកំពុងប្រជែងពាន៣ Bayern Munch សង្ឃឹមថា ខ្សែប្រយុទ្ធ Robert Lewandowski អាចរកបានគ្រប់បាល់បញ្ចូលទីជាច្រើនទៀត ដើម្បីបំពេញមហិច្ឆតារបស់ខ្លួនក្នុងវគ្គចាញ់ធ្លាក់នៃក្របខ័ណ្ឌ Champions League។
ទូទាំងអឺរ៉ុប មានតែខ្សែប្រយុទ្ធ Ciro Immobile ដែលបានស៊ុតបាល់បញ្ចូលទី៣៦គ្រាប់ក្នុង Serie A សម្រាប់ Lazio ប៉ុណ្ណោះ បានរកគ្រាប់បាល់បញ្ចូលទីក្នុងក្របខ័ណ្ឌលីកនារដូវកាលឆ្នាំ២០១៩-២០២០ ច្រើនជាង Lewandowski ដែលជាអ្នករកបានគ្រាប់បាល់ច្រើនជាងគេនៅអាល្លឺម៉ង់។ រូបគេគឺជាអ្នករកបានគ្រាប់បាល់ច្រើនជាងគេក្នុង Champions League នៅរដូវកាលនេះ តាមរយៈការរកបាន១១គ្រាប់ ក្នុងការប្រកួត៦លើក។ Lewandowski បានស៊ុតបាល់បញ្ចូលទី៥១គ្រាប់ក្នុងរាល់យុទ្ធនាការទាំងអស់ នៅរដូវកាលនេះ និងកំពុងតែសមឹ្លងរកការបន្តនូវភាពមុតស្រួចរបស់ខ្លួន ក្រោយពីបានស៊ុតបាល់បញ្ចូលទី២គ្រាប់ក្នុងពេលក្រុមខ្លួនផ្តួល Leverkusen ៤-២ ក្នុងពាន German Cup កាលពីខែកក្កដា។
ទាក់ទងនឹង Lewandowski លោក Hansi Flick គ្រូបង្វឹករបស់ Bayern បានបញ្ជាក់ថា៖ «រូបគេជាកីឡាករពោរពេញដោយសមត្ថភាពនៅពីមុខទី និងមានគ្រប់ចំណុចទាំងអស់ដែលខ្សែប្រយុទ្ធត្រូវការ»៕
ប្រភពព័ត៌មាន៖ Channel News Asia