បរទេស៖ Rio Ferdinand ជឿជាក់ថាក្រុមបិសាចក្រហម Manchester United និង មានកំហុសមួយដ៏ធំមួយប្រសិនជា ខកខានមិនបានឈានដល់កិច្ចព្រមព្រៀងផ្ទេរយកកីឡាករឆ្នើម Jason Sanchoមកកាន់ទឹកដី Old Trafford នៅរដូវក្តៅនេះបាន។វីរបុរសក្លឹប និងជាអតីតខ្សែការពារ ក្រុមជម្រើសជាតិអង់គ្លេសរូបនេះបានសង្កត់ធ្ងន់ថាៈ Man Utd កំពុងបង្កើតឱកាស និងមិនទាន់បោះបង់ ការព្យាយាមចរចារដើម្បីចុះហត្ថលេខាយុវជន ដែលកំពុងរីកចម្រើនក្លាយជាកីឡាករល្អបំផុតនៅលើពិភពលោកនៅកំលុងពេល១០ឆ្នាំទៅមុខទៀតនេះ។
ទោះបីជាមានការលើកឡើងបែបនេះក្តី Dortmund ក្លឹបម្ចាស់ជើងឯករង Bundesliga បានប្រកាសកាលពីថ្ងៃច័ន្ទថាពួកគេមិនពិចារណាលើការផ្តល់ជូនសំណើរណាមួយសម្រាប់កីឡាករវ័យ ២០ឆ្នាំ Sancho នៅក្នុងទីផ្សារដោះដូរកីឡាករមុនបើករដូវកាលថ្មីនេះទេ បន្ទាប់ពី Man United មិនបានបំពេញតាមការចង់បាននៅតម្លៃខ្លួន ១២០ លានផោន និងបានចំណាយពេល ចរចារគ្នាយ៉ាងយូរតែនៅមិនទាន់មានលទ្ធផលនៅឡើយនោះ។
ជាការឆ្លើយតបវិញ Man United បាន បដិសេធក្នុងការបោះបង់ចោលក្តីសង្ឃឹមបន្តការចរចារនាំយក Sancho បើទោះបីជា Dortmund បានបញ្ជាក់យ៉ាងច្បាស់យ៉ាងដូច្នេះក៏ដោយ៕
ប្រភពព័ត៍មាន៖ Goal