បរទេស៖ ខ្សែបម្រើ Blaise Matuidi ដែលជាសមាជិកឈ្នះពាន World Cup របស់ក្រុមជម្រើសជាតិបារាំង នឹងចាកចេញពីក្លិប Juventus ក្រោមការព្រមព្រៀងទាំងសងខាង ក្រោយពីការចំណាយពេលបាន៣ឆ្នាំ។ នេះបើយោងទៅតាមការប្រកាសរបស់ម្ចាស់ជើងឯកអ៊ីតាលីមួយនេះ កាលពីថ្ងៃពុធ។
Matuidi វ័យ៣៣ឆ្នាំ បានចូលរួមជាមួយនឹងក្លិបយក្សរបស់អ៊ីតាលី ពីក្លិប Paris Saint-Germain ក្នុងឆ្នាំ២០១៧ និងនៅជាប់កិច្ចសន្យារយៈពេល១ឆ្នាំទៀត ក្នុងកុងត្រារបស់គេ។ មានព័ត៌មានចេញផ្សាយថា រូបគេអាចនឹងធ្វើដំណើរទៅសហរដ្ឋអាមេរិក ដើម្បីចូលរួមជាមួយនឹងក្លិប Inter Miami របស់លោក David Beckham។ Juventus បានឲ្យដឹងក្នុងសេចក្តីថ្លែងការណ៍មួយថា៖ «Blaise Matuidi និងក្លិប Juventus យល់ព្រមចែកផ្លូវគ្នាក្នុងលក្ខខណ្ឌដែលមានការព្រមព្រៀងគ្នាទាំងសងខាង ទៅលើកិច្ចសន្យារបស់កីឡាកររូបនេះ»។
ក្លិបបានបន្ថែមថា៖ «ក្រោយជំនួយរបស់គេ រូបគេបានខិតខំព្យាយាមលេងអស់ពីសមត្ថភាពក្នុងរាល់ការប្រកួតទាំងអស់ តាមរយៈការដាក់សម្ពាធលើគូប្រកួតយ៉ាងខ្លាំង បង្ហាញពីកម្រិតលេងយ៉ាងល្អ និងរក្សាការគ្រប់គ្រងបាល់យ៉ាងរឹងមាំ»៕
ប្រភពព័ត៌មាន៖ Channel News Asia
