បរទេស៖ Manchester United បានបង្ហាញជំហរ សម្រាប់ខ្សែការពារកណ្តាល Chris Smalling ក្នុងតម្លៃខ្លួនប្រមាណ២០ លានផោន ប្រសិនមានក្លឹបណាចង់បានរូបគេទៅរួមក្រុម។ ក្រោយចំណាយពេលពេញមួយរដូវកាល ( ២០១៩-២០២០ ) ក្នុងលក្ខណ្ឌខ្ចីជើងជាមួយក្លិប Roma កីឡាករអន្តរជាតិអង់គ្លេសរូបនេះត្រូវបានក្លឹបអនុញ្ញាតឱ្យចាកចេញពីកីឡាដ្ឋាន Old Trafford ជាអចិន្រ្តៃយ៍តែម្តង។
Smalling បានដើរតួនាទីជាកីឡាករដ៏សំខាន់ម្នាក់នៅឯកីឡដ្ឋាន Stadio Olimpico របស់ក្លឹប Roma ក្រោយបានបង្ហាញទម្រង់លេងល្អទោះបីក្នុងលក្ខណ្ឌខ្ចីជើង ដែលមើលឃើញមូលហេតុនេះហើយទើប Man Utd ប្រកាន់ជំហរចង់បានតម្លៃខ្លួនខាងលើនោះ ។
ទោះបីជា Roma បង្កើនការចរចារផ្សេងៗសម្រាប់ការផ្ទេរយក Smallingមកក្របខណ្ឌ Serie A វិញ តែប្រភពពីគេហទំព័រ The Sun បានលើកឡើងថា ក្លឹប Man Utd នឹងមិនអនុញ្ញាតឱ្យអតីតកីឡាករក្លឹប Fulham វ័យ ៣០ ឆ្នាំរូបនេះផ្ទេរទៅកាន់ក្លឹបមានមូលដ្ឋាននៅ រាជធានីរ៉ូមប្រទេស អ៊ីតាលីកក្រោមតម្លៃ ២០ លានផោនឡើយ៕
ប្រភពព័ត៍មាន៖ Sportsmole
