បរទេស៖ ខ្សែប្រយុទ្ធឆ្នើម Neymar កំពុងប្រឈមមិនអាចចូលលេងការប្រកួតវគ្គផ្តាច់ព្រ័ត្រក្របខ័ណ្ឌលីកកំពូលទ្វីបអឺរ៉ុប Champions League ក្រោយពីបញ្ចេញសកម្មភាពដោះអាវចបន្ទាប់ពីម្ចាស់ជើងឯកLigue-១បារាំង បានកក់កៅអីវគ្គផ្តាច់ព្រ័ត្រក្រោយផ្តួលជើងខ្លាំងមកពីអាឡឺម៉ង់ RB Leipzig ក្នុងលទ្ធផល៣ទល់និង០ កាលពីថ្ងៃអង្គារសម្រាប់ការប្រកួតនៅទីក្រុងលីស្បនប្រទេសព័រទុយហ្គាល់។
គ្រាប់បាល់ស៊ុតបញ្ចូលទី៣គ្រាប់ពីសំណាក់ខ្សែបម្រើប្រេស៊ីល Marquinhos និងខ្សែបម្រើស្លាបអាហ្សង់ទីន Angel Di Maria ព្រមទាំង ខ្សែការពារឆ្វេងសញ្ជាតិអេស្បាញ Juan Bernat បានជួយអោយ PSG ឈានទៅកាន់វគ្គផ្តាច់ព្រ័ត្រដោយត្រៀមជួប Bayern Munich ឬ Lyon នៅវគ្គផ្តាច់ព្រ័ត្រនាថ្ងៃអាទិត្យខាងមុខនេះ។
ប៉ុន្តែយោងទៅតាមសារព័ត៌មាន The Sun បានអោយដឹងថាពួកគេនិងអវត្តមានកីឡាករឆ្នើមតម្លៃខ្លួនថ្លៃបំផុត របស់ពិភពលោករូបនេះវ័យ២៨ឆ្នាំរូបនេះបានដោះអាវផ្លាស់ប្តូរជាមួយកីឡាករ Marcel Halstenberg របស់ក្រុម RB Leipzig នៅលើទីលានដែលផ្ទុយនឹងច្បាប់ Uefa ដែលបានចេញច្បាប់ផ្សព្វផ្សាយកាលនៅលើទំព័រទី៣១ និងបានជូនដំណឹងបន្ថែមកាលពីដើមខែនេះថាៈ កីឡាករទាំងអស់ត្រូវជៀសវាងការដោះដូរអាវរវាងគ្នា និង គ្នាក្រោយចប់ការប្រកួត។គួរបញ្ជាក់ថាទោះបីជាមិនបានរកគ្រាប់បាល់នៅក្នុងការប្រកួតដ៏សំខាន់នេះ ប៉ុន្តែអតីតខ្សែប្រយុទ្ធក្រុម Barcelona រូបនេះគឺជាកម្លាំងចលករដ៏សំខាន់នៅពីក្រោយជ័យជម្នះរបស់ក្រុមជាមួយនិងការបង្ហាញទម្រង់លេងល្អបំផុតនោះ៕
ប្រភពព័ត៍មាន៖ Lucrumbet