បរទេស៖ ខ្សែបម្រើ-ស្លាប Philippe Coutinho របស់ក្រុមអ្នកមានបុណ្យ Barcelona ទទួលស្គាល់ថាខ្លួននៅមិនទាន់ប្រាកដពីអនាតគតថានិងបន្តលេងជាមួយក្លឹបរឺបន្ត លេងខ្ចីជើងនៅក្លឹបផ្សេង រឺយ៉ាងណានោះទេនៅរដូវកាលថ្មី ២០២០-២០២១នោះ បើទោះបីជារូបគេបង្ហាញទម្រង់លេងល្អសម្រាប់ការខ្ចីជើងពេញមួយរដូវកាល ជាមួយក្រុម Bayern Munich ដោយជួយអោយពួកគេឈ្នះពាន៣នៅរដូវកាលនេះនិងរក្សាកំនត់ត្រាឈ្នះពាន Champion Leauge ជាលើកទី៦ផងដែរ។
គួរបញ្ជាក់ថា Coutinho នឹងបញ្ចប់លក្ខណ្ឌខ្ចីជើងជាមួយម្ចាស់ជើងឯកទ្វីបអឺរ៉ុប និងត្រូវវវិលត្រលប់ទៅកាន់ទឹកដី Camp Nou វិញ នាពេលឆាប់នេះ។ Arsenal និង Tottenham ធ្លាប់ជាក្លឹបដែលចង់បន្តខ្ចីជើងអតីតកីឡាករហង្ស ក្រហមសញ្ជាតិ ប្រេស៊ីលវ័យ ២៨ ឆ្នាំរូបនេះ នឹងកំពុងរង់ចាំមើលថាតើ Barcelona មានចេតនា បន្តអោយក្លឹបដទៃខ្ចីជើងរូបគេ រឺ រក្សាទុកនៅជាមួយក្លឹបវិញ ។
Coutinho ចូលលេងក្នុងនាមកីឡាករបម្រុងនៅតង់ទី ២ ខណៈ Bayern Munich បានផ្តួល Paris Saint-Germain នៅវគ្គផ្តាច់ព្រ័ត្រក្របខណ្ឌ Champion League បានប្រាប់ថា:ជាការពិតខ្ញុំត្រូវត្រលប់ទៅ Barcelona វិញហើយបន្ទាប់មកយើងនឹងឃើញមានអ្វីកើតឡើង។ ខ្ញុំពិតជាមិនបានគិតអំពីរឿងនេះច្រើនទេតែខ្ញុំបានផ្តោតតែលើវគ្គផ្តាច់ព្រ័ត្រប៉ុណ្ណោះ។ អ្វីដែលខ្ញុំអាចនិយាយបានគឺ ខ្ញុំចង់ខិតខំដើម្បីទទួលបានលទ្ធផលល្អសម្រាប់ក្រុម៕
ប្រភពព័ត៍មាន៖ Sportsmole
