បរទេស៖ អ្នកចាត់ការ Gareth Southgate នឹងប្រកាសឈ្មោះកីឡាករ ក្រុមជម្រើសជាតិអង់គ្លេសជាលើកដំបូងរបស់គាត់នៅឆ្នាំ ២០២០ នៅថ្ងៃអង្គារសម្រាប់ការប្រកួតពានរង្វាន់ Nations League នៅខែកញ្ញានេះសម្រាប់ការប្រកួតជាមួយ នឹង អ៊ីស្លង់នៅទីក្រុង Reykjavik នាថ្ងៃទី៥កញ្ញា និង ដាណឺម៉ាកនៅទីក្រុង Copenhagen នាថ្ងៃទី៨កញ្ញាផងដែរ។
គ្រូបង្វឹកសញ្ជាតិអង់គ្លេសកំរូបនេះពុងតែប្រឈមនិងការសម្រេចចិត្តដ៏ពិបាក និងឈឺក្បាល ក្នុងការជ្រើសរើសដែលនៅ ក្នុងនោះគឺមានសំណួរចោតសួរឡើងថារូបលោកនិងត្រូវបញ្ចូលឈ្មោះខ្សែការពារ Harry Maguireសម្រាប់ក្រុម ដែររឺយ៉ាងណានោះ? គួរបញ្ជាក់ថាខ្សែការពារកណ្តាលក្រុមជម្រើសជាតិអង់គ្លេស Maguire វ័យ ២៧ ឆ្នាំ ទើបតែជួបប្រទះរឿងអាស្រូវក្រោយរួចពីបទចោតប្រកាន់ពីបទបង្កការវាយតប់លើសមត្ថកិច្ច និងត្រូវបានដោះលែងពីការឃុំឃាំងរបស់ប៉ូលីសបន្ទាប់ពីការចាប់ខ្លួនរូបគេនៅកោះ Mykonos កាលពីសប្តាហ៍មុន។
ក្រោយពីព្រឹត្តការណ៏ប្រកួត អឺរ៉ូ ២០២០ ត្រូវបានពន្យារពេលរហូតដល់ឆ្នាំ ២០២១ដោយសាមេរោគកូវីត-១៩ មានន័យថាអង់គ្លេសមិនបានប្រកួតចាប់តាំងពីខែវិច្ឆិកាឆ្នាំ ២០១៩ ដែលពេលចុងក្រោយក្រុមតោកំណាចអង់គ្លេសបានផ្តួលកូសូវ៉ូក្នុងលទ្ធផល ៤ទល់និង០ ហើយក៏ជាពេលបញ្ចប់យុទ្ធនាការប្រកួតជម្រុះយូរ៉ូឆ្នាំ ២០២០ ។អង់គ្លេសត្រូវប្រឈមមុខនឹងអ្នកឈ្នះយូរ៉ូឆ្នាំ ២០១៦ នៅអ៊ីស្លង់នៅរីរេកចាវិកនៅថ្ងៃទី ៥ ខែកញ្ញាមុនពេលលេងដាណឺម៉ាកនៅទីក្រុងកូប៉ិនហាកនៅថ្ងៃទី ៨ ខែកញ្ញា។
លោក Southgate ត្រូវបានគេវាយតម្លៃថា និងដាក់កីឡាករឆ្នើមដែលជាយុវជនថ្នាលថ្មីមានសមត្ថភាពល្អ ដូចជាៈ ខ្សែប្រយុទ្ធឆ្នើម Mason Greenwood របស់ក្រុមបិសាចក្រហម Manchester United និង ប្រធានក្រុម Aston Villa គឺខ្សែបម្រើ Jack Grealish និងខ្សែបម្រើកណ្តាល Phil Foden របស់ក្រុមមេឃខៀវ Manchester City ។
ប្រភពព័ត៍មាន៖ BBC
