បរទេស៖ David de Gea, Bruno Fernandes និង Cristiano Ronaldo គឺជាបេក្ខភាពដែលក្លឹបបិសាចក្រហមក្រុមMan.Utdកំពុងពិចារណា តែងតាំងធ្វើជាប្រធានក្រុម Man. United ជំនួសកីឡាករ Harry នៅរដូវក្តៅនេះ។ កីឡាករអន្តរជាតិអង់គ្លេស Maguire ដែល បានកាន់តួនាទីនៅទឹកដី Old Traffordកាលពីរដូវកាលចាស់ ស្របពេលគ្រូបង្វឹកអចិន្រ្តៃយ៏ថ្មីលោក Erik ten Hag កំពុង ពិចារណា លើតួនាទីដ៏សំខាន់សម្រាប់ក្រុមនាពេលនេះ យោងគេហទំព័រ ESPN បានចុះផ្សាយ ។
Maguire ស៊ុតបញ្ចូលទីបានពីរគ្រាប់ក្នុងការបង្ហាញខ្លួន ៣៧ប្រកួតនិងចូលលេងបាន១ប្រកួតក្នុងចំណោម៥ប្រកួតចុងក្រោយនៅ ក្រប ខណ្ឌ Premier League ពោលគឺការចាញ់Crystal Palace ថ្ងៃបិទរដូវកាលតែម្តង។
Man.Utdក៏កំពុងសម្លឹងរកការចុះ ហត្ថលេខាខ្សែ ការពារកណ្តាលថ្មីយ៉ាងហោចណាស់១នាក់បន្ថែមទៀត ដែលក្នុងនោះ កីឡាករ Pau Torres របស់ Villarreal និង Jurrien Timber របស់ Ajax គឺជាគោលដៅអាទិភាព។ Man United មានកៅអីលេងនៅក្របខណ្ឌ Europa League សម្រាប់រដូវកាលថ្មីក្រោយបញ្បប់រដូវកាលឈរនៅលេខរៀងទី៦បន្ទាប់ពី Man. City, Liverpool, Chelsea, Tottenham Hotspur និង Arsenal៕
ប្រភពព័ត៍មាន៖ Sportsmole
