បរទេស៖ លោក Ralf Rangnick មានទំនុកចិត្តថា អ្នកគាំទ្ររបស់ Man. United នឹងមិនបង្ហាញឥរិយាបថសើចចំអកដល់កីឡាករ Harry Maguire នៅពេលដែលក្រុមម្ចាស់ផ្ទះបើកទ្វារកីឡាដ្ឋាន Old Trafford ដើម្បីទទួលស្វាគមន៏អតីតក្លឹប Leicester របស់គាត់នោះទេ។
អ្នកចាត់ការបណ្តោះអាសន្នសញ្ជាតិអាឡឺម៉ង់បានលើកឡើងថាៈរូបលោកនៅតែមិនយល់ ថាហេតុអ្វី បានជាអ្នកគាំទ្រក្រុមតោកំណាចអង់គ្លេសបានស្រែកចំអកអោយកាពីតែនក្រុម Man.Utd រូបនេះកំលុងពេលការប្រកួតមិត្តភាពនៅឯកីឡដ្ឋាន Wembley ជាមួយក្រុមជម្រើសជាតិ Ivory Coast ។
វជាការឆ្លើយតបវិញអ្នកចាត់ការក្រុមតោកំណាចអង់គ្លេសលោក Gareth Southgate និងកាពីតែនក្រុម Harry Kane បានបញ្ចេញយោបល់ការពារ Maguire ក្រោយចប់ការប្រកួត។ ព្រមជាមួយគ្នានេះដែរលោក Rangnic បានលើកឡើងពីយោបល់ ស្រដៀងគ្នានេះដោយបញ្ជាក់យ៉ាងច្បាស់ថាៈគាត់ដឹងពីជំហររបស់ខ្ញុំចំពោះគាត់។ គាត់ជាកីឡាករដ៏មានតម្លៃសម្រាប់ក្រុម។ លោកRangnick បាននិយាយ មុនពេលការប្រកួតថ្ងៃសៅរ៍ដោយបញ្ជាក់បន្ថែមថាៈខ្ញុំមិនយល់ពីអ្វីដែលបានកើតឡើងនៅ Wembley ប៉ុន្តែវានឹងមិនកើតឡើងនៅក្នុងកីឡដ្ឋានរបស់យើងជាមួយនឹងក្រុមដែលយើងកំពុងដឹកនាំនោះទេ៕
ប្រភពព័ត៍មាន៖ BBC