បរទេស៖ សំណុំរឿងប្រធានក្រុម Man United កីឡាករ Harry Maguire នឹងត្រូវតុលាការនៅប្រទេសក្រិកធ្វើការកាត់សេចក្តី និងវិនិច្ឆ័យចេញសាលក្រមដោយមានការចូលរួមពីអ្នកតំណាងផ្នែកច្បាប់ លោក Alexis Anagnostakis ដែលជាមេធាវីការពារសិទ្ធិមនុស្សកំពូលម្នាក់របស់ប្រទេសនេះ។
គួររំលឹកផងដែរថាកីឡាករខ្សែការពារថ្លៃបំផុតក្នុងពិភពបាល់ទាត់ វ័យ ២៧ ឆ្នាំរូបនេះត្រូវបានដោះលែងពីការឃុំឃាំងរបស់ប៉ូលីសកាលពីថ្ងៃសៅរ៍សប្តាហ៏មុនក្រោយត្រូវបានចាប់ខ្លួននៅលើកោះ Mykonos កាលពីថ្ងៃព្រហស្បតិ៍ដោយរងការចោទប្រកាន់ថាបានបង្កទំនាស់ជាមួយមន្ត្រីប៉ូលីស និង ត្រូវបានឃាត់ខ្លួនដែលក្នុងនោះគឺមានរូបគេ Maguire នៅក្នុងចំណោមជនបរទេសទាំងបីនាក់នោះ។ នៅក្នុងឯកសារដែលត្រូវបានលាតត្រដាងនិង សរសេរដោយប៉ូលីសប្រចាំតំបន់បាននិយាយថាសំណុំរឿងរបស់ Maguire ធ្វើឡើងដោយចោតប្រកាន់ពីបទ ប្រើអំពើហឹង្សាទៅលើមន្រ្តីប៉ូលីស និងមិនបានស្តាប់បង្គាប់ ជាមួយការប៉ុនប៉ងធ្វើបាបរាងកាយ , ជេរប្រមាថនិងប៉ុនប៉ងផ្តល់សំណូកដល់មន្រ្តីប៉ូលីស។
ទោះយ៉ាងណាអតីតកីឡាក្រុម Leicester Cityមានវត្តមានចុលរួមចូលរួមក្នុងសវនាការដែលប្រារព្ធធ្វើឡើងនៅទីក្រុង Syros នៅថ្ងៃអង្គារនេះទេ។តំណាងមេធាវីរបស់ Maguire បានប្រាប់គេហទំព័រ Sky ថាៈគាត់មានសេរីភាព ឡើងវិញហើយនៅពេលឥឡូវនេះ៕
ប្រភពព័ត៍មាន៖ BBC
