បរទេស៖ ខ្សែបម្រើ Paul Pogba របស់ក្លិប Manchester United ត្រូវបានលុបឈ្មោះចេញពីក្រុមបាល់ទាត់ជម្រើសជាតិបារាំង កាលពីថ្ងៃព្រហស្បតិ៍ សម្រាប់ការប្រកួតពាន National League នៅខែក្រោយនេះ ជាមួយនឹងក្រុមជម្រើសជាតិស៊ុយអែត និងក្រូអាស៊ី បន្ទាប់ពីបានតេស្តឃើញជាវិជ្ជមានទៅលើវីរុសកូវីដ-១៩។
នេះបើយោងទៅតាមការបញ្ជាក់របស់លោកគ្រូបង្វឹក Didier Deschamps។ ខ្សែបម្រើស្លាប Pogba ត្រូវបានជំនួសដោយកីឡាករវ័យក្មេង Eduardo Camavinga ដែលត្រូវបានកោះហៅជាលើកដំបូង រួមជាមួយនឹងខ្សែបម្រើ Houssem Aouar របស់ក្លិប Lyon និងខ្សែការពារ Dayot Upamecano របស់ក្លិប RB Leipzig។ ទាក់ទងនឹងការអវត្តមានរបស់ Pogba ក្នុងក្រុមរបស់លោក លោក Deschamps បានឲ្យដឹងថា៖ «ជាអកុសល្យ រូបគេបានទទួលការធ្វើតេស្តកាលពីថ្ងៃម្សិលមិញ (ថ្ងៃពុធ) និងត្រូវបានប្រកាសថា បានចេញលទ្ធផលជាវិជ្ជមាននៅព្រឹកនេះ»។
ខ្សែបម្រើ Adrien Rabiot របស់ក្លិប Juventus ក៏ត្រូវបានកោះហៅជាលើកទី១ផងដសែរ ក្នុងរយៈពេល២ឆ្នាំ ក្រោយពីរូបគេបានបដិសេធក្នុងការមិនចូលរួមក្នុងនាមជាកីឡាករបម្រុងសម្រាប់ព្រឹត្តិការណ៍ World Cupឆ្នាំ២០១៨។ លោក Deschamps បានពន្យល់ថា៖ «រូបគេបានរកឃើញកម្រិតលេងដ៏ល្អម្តងទៀត។ យើងមិនអាចវិលត្រឡប់បានឡើយ ហើយខ្ញុំមិនមែនជាអ្នកដែលចូលចិត្តធ្វើការសម្រេចចិត្តលំបាកៗឡើយ។ រូបគេនៅតែជាកីឡាករដែលជាជ្រើសរើសយកបាន»៕
ប្រភពព័ត៌មាន៖ Channel News Asia