បរទេស៖ ការចាកចេញរបស់ Lionel Messi មិនមែនជារឿងសោកសៅសម្រាប់ក្លឹបគូប្រជែង Barcelonaទេ តែវានឹងក្លាយជារឿងដ៏ខកចិត្តនិងប៉ះពាល់ខ្លាំងបំផុតសម្រាប់លីកកំពូលអេស្បាញយោងអតីតប្រធានក្លឹបអធិរាជស Real Madrid លោក Ramon Calderon បានបញ្ជាក់ប្រាប់។
ការលើកឡើងខាងលើនេះគឺក្រោយពេលដែលម្ចាស់ពានបាល់មាស Ballon d’Or ៦សម័យ បានប្រាប់ប្រធានក្លឹបនិងក្រុមប្រឹក្សាភិបាលថារូបគេចង់ចាកចេញក្រោយរួមរស់ជាមួយគ្នាជិត២០ឆ្នាំរួចមក ក្រោយពីក្លឹបយក្សកាតាឡាន់បរាជ័យការការពារតំណែងជើងឯក La Liga និង ធ្លាក់ចេញពីក្របខណ្ឌ Champions League ជាមួយនឹងការបរាជ័យយ៉ាងអាម៉ាស់ក្នុងលទ្ធផល ៨-២ នៅវគ្គ ៨ ក្រុមចុងក្រោយក្រោមថ្វីជើងក្រុម Bayern Munich ។
លោក Calderon បានប្រាប់ Stats Perform News ថាៈខ្ញុំយល់ថា ជារឿងដែលខកចិត្តមួយសម្រាប់ក្របខណ្ឌ La Liga ប្រសិន Messi ចាកចេញ។ ការពិតលីកកំពូលអេស្បាញពិតជាមានសំណាងណាស់ដែលមានកីឡាករ ឆ្នើមបំផុតលើលោកពីររូបគឺ Cristiano Ronaldo និង Messi បានលេងប្រកួតប្រជែងគ្នាតំណាងអោយក្លឹបរបស់ពួកគេនៅរយៈពេល១០ ឆ្នាំកន្លងមក៕
ប្រភពព័ត៍មាន៖ Goal
