បរទេស៖ ក្លិបបិសាចក្រហម Manchester United កំពុងតែស្ថិតយ៉ាងប្រកៀកដើម្បីចុះហត្ថលេខាជាមួយនឹងខ្សែបម្រើ Donny van de Beek របស់ក្លិប Ajax ក្រោយពីក្លិបទាំង២បានយល់ព្រមលើតម្លៃខ្លួន៤០លានផោន (ស្មើនឹង៥៣,៤លានដុល្លារអាមេរិក)។
លោក Ole Gunnar Solskjaer គ្រូបង្វឹករបស់ក្លិប Man United សរសើរដល់ខ្សែបម្រើអន្តរជាតិហូឡង់វ័យ២៣ឆ្នាំរូបនេះឥតឈប់ និងបានតាមដានរូបគេជាច្រើនលើកមកហើយ។ គេយល់ឃើញថា Man Unitedបានបច្ចុប្បន្ន បានពង្រឹងការចាប់អារម្មណ៍របស់ខ្លួន ដោយរង់ចាំតែការត្រួតពិនិត្យសុខភាព និងការព្រមព្រៀងលើលក្ខខណ្ឌផ្ទាល់ខ្លួនប៉ុណ្ណោះ។ ការផ្ទេរនេះ ត្រូវបានរំពឹងទុកថា នឹងបំពេញជាផ្លូវការក្នុងរយៈប៉ុន្មានថ្ងៃខាងមុខនេះ។ Van de Beek នឹងត្រូវចុះហត្ថលេខារយៈពេល៥ឆ្នាំ ដែលគួរតែអនុញ្ញាតឲ្យរូបគេលេងឲ្យក្រុម Man United ក្នុងការប្រកួតបើករដូវកាលឆ្នាំ២០២០-២០២១ ពេលប៉ះ ជាមួយនឹងក្រុម Crystal Palaceនៅថ្ងៃទី១៩ ខែកញ្ញា។
Donny van de Beek of Ajax during the Dutch Eredivisie match between Ajax Amsterdam and ADO Den Haag at the Johan Cruijff Arena on December 22, 2019 in Amsterdam, The Netherlands
រូបគេនឹងក្លាយជាកីឡាករចំណូលថ្មីដំបូងគេអំឡុងពេលបិទរដូវកាលនេះ ក្រោយពីការព្យាយាមនាំយកខ្សែបម្រើ Jadon Sancho របស់ក្លិប Borussia Dortmund ស្ថិតនៅទ្រឹង ដោយសារតែតម្លៃខ្លួនខ្ពស់ពេក៕
ប្រភពព័ត៌មាន៖ Channel News Asia
