បរទេស៖ ខ្សែបម្រើ Donny van de Beek របស់ក្រុមបិសាចក្រហម Man. Utd នៅតែមានសុទិដ្ឋិនិយមជាមួយក្លឹបសម្រាប់ការប្រកួតនៅក្របខណ្ឌ Champions League។ បើទោះបីជាទទួលលទ្ធផលត្រឹមស្មើគ្នា១ទល់និង១ ទល់នឹង Young Boys កាលពីថ្ងៃពុធ ប៉ុន្តែខ្សែបម្រើសញ្ជាតិហូឡង់ជឿជាក់ថាក្រុមម្ចាស់ជើងឯកទ្វីបអឺរ៉ុប៣សម័យ និងអាចផ្តួលក្រុមជាគូបដិបក្សវគ្គ១៦ក្រុមដើម្បីឈានទៅកាន់វគ្គ៨ក្រុមចុងក្រោយបន្តទៀត។
ការប្រកួតនៅទឹកដីOld Traffordកាលពីយប់ថ្ងៃពុធ លោក Ralf Rangnick បានដាក់អោយកីឡាករវ័យ ក្មេងចូលលេងជាច្រើននាក់ពេលស្មើជាមួយក្រុមមកពីស្វីសនិងមានការផ្លាស់ប្តូរសមាសភាពកីឡាករជាច្រើនផងដែរ។ ទោះបីទទួលលទ្ធផល ស្មើគ្នា ប៉ុន្តែ Man. Utd កំពូលបានឈានទៅកាន់វគ្គ១៦ក្រុមជាលើកដំបូងចាប់តាំងពីឆ្នាំ ២០១៩មក។
Van de Beek ខ្លួនឯងដែលទើបតែមានឪកាសបង្ហាញខ្លួនចូលលេងដ៏កម្រកាលពីថ្ងៃពុធបានសារភាពថា៖ «ខ្ញុំគិតថាក្រុមទាំងអស់នៅវគ្គនេះនៃ Champions League គឺខ្លាំង។ ប៉ុន្តែយើងជាក្រុមកំពូល ព្រោះខ្ញុំគិតថា ជាមួយ នឹងកីឡាករដែលយើងមានយើងអាចយកឈ្នះពួកគេបាន។ ដូច្នេះយើងត្រូវតែប្រឹងប្រែងជារៀងរាល់ថ្ងៃបន្ថែម ទៀត។ទោះបីជាយ៉ាងនេះក្តីអតីតយុវជនថ្នាលក្លឹប Ajax រូបនេះក៏បានសារភាពដោយទទួលខុសត្រូវចំពោះកំហុសដែលនាំអោយក្រុមភ្ញៀវ Young Boys តាមស្មើនៅតង់ទីមួយ៕
ប្រភពព័ត៍មាន៖ Sportsmole