បរទេស៖ ក្រុមបិសាចក្រហម Man. United នៅតែមានបំណងចង់លក់អ្នកចាំទី Dean Henderson និងខ្សែបម្រើ Donny van de Beek នៅក្នុងពេលទីផ្សារដោះដូរកីឡាករនិងបើកជាលើកទីពីរខែមករាខាងមុខនេះ។
ជាមួយនឹងការត្រៀមតែងតាំងគ្រូបង្វឹកអាឡឺម៉ង់លោក Ralf Rangnick គ្រោងនឹងចូលកាន់តំណែងជាអ្នកចាត់ការបណ្តោះអាសន្ននៅ Old Trafford ក្នុងពេលឆាប់ៗនេះ ក្រុមជើងឯកអង់គ្លេស២០សម័យត្រៀមរុះរើកីឡាករក្នុងក្រុមឈុតធំមួយចំនួនចេញ ដែលក្នុងនោះ យោងគេហទំព័រ Daily Mailបានចុះផ្សាយថាអ្នកចាំទីអន្តរជាតិអង់គ្លេស Henderson និងខ្សែបម្រើអន្តរជាតិហូឡង់ van de Beek នឹងត្រូវបានក្លឹបអនុញ្ញាតឱ្យចាកចេញ។
Van de Beek ក្រោយផ្ទេរពីក្លឹបយក្សហូឡង់ Ajax នៅដើមរដូវកាលមុន នៅមិនទាន់បានចាប់ផ្តើមចូលលេងនៅក្របខណ្ឌ Premier League រដូវកាលនេះនៅឡើយទេដោយបង្ហាញខ្លួនបានតែបួនដងប៉ុណ្ណោះសម្រាប់ការប្រកួតនៅលីកកំពូល២៣លើក។រីឯJordan Henderson ក្រោយវិលត្រលប់ពីលក្ខណ្ឌខ្ចីជើងនៅSheffield United រូបគេបានតស៊ូប្រជែងជាមួយអ្នកចាំទីDavid de Gea តែមិនទទួលបានតួនាទីទៀងទាត់ទេ សម្រាប់រដូវកាលនេះ ពោលគឺអង្គុយនៅកៅអីបម្រុងរហូត ដោយបង្ហាញខ្លួនបានតែ១លើកគត់ពេលចាញ់West Ham នៅក្របខណ្ឌ League Cup ខណៈនៅក្របខណ្ឌ Premier League ឬ Champions League ក្នុងយុទ្ធនាការនេះ៕
ប្រភពព័ត៍មាន៖ Sportsmole