បរទេស៖ Ajax កំពុងរៀបចំផែនការផ្ទេរអ្នកចាំទី Dean Henderson ក្នុងលក្ខណ្ឌខ្ចីជើងរយៈពេល១៨ខែពីក្រុមបិសាចក្រហម Man Utd នៅពេលទីផ្សារដោះដូរកីឡាករនិងបើកដំណើរការក្នុងខែមករា២០២២ខាងមុខនេះ យោងការចុះផ្សាយរបស់Manchester Evening News។
ម្ចាស់ជើងឯកហូឡង់បានដុតដៃដុតជើងដោះស្រាយបញ្ហាអវត្តមានអ្នកចាំទី Andre Onana ស្របពេលកុងត្រារបស់កីឡាករអន្តរជាតិកាមេរូន និងផុតកំនត់នៅឆ្នាំ២០២២ ។ បច្ចុប្បន្នគ្រូបង្វឹកលោក Erik Ten Hag ប្រមើលឃើញថាOnanaអតីតយុវជនថ្នាលដែលរីកដុះដាលជាមួយក្លឹប Barcelona នឹងចាកចេញពីក្លឹបនៅមុនពេលកំណត់ដូច្នេះកីឡាករអន្តរជាតិអង់គ្លេសHenderson វ័យ ២៤ ឆ្នាំដែលនិងផុតកុងត្រានៅទឹកដីOld Trafford នាឆ្នាំ ២០២៥ជាបេក្ខភាពដ៏ស័ក្តសម។ Onana មានឪកាសខ្ពស់ក្នុងការផ្លាស់ទៅកាន់ក្លឹបយក្សអ៊ីតាលី Inter Milan ហើយលោក ten Hag បានដាក់អោយ Remko Pasveer វ័យ ៣៣៨ឆ្នាំបង្ហាញខ្លួនជម្រើសដំបូងជាច្រើនប្រកួតសម្រាប់រដូវកាលនេះ។ទោះបីមានវ័យជ្រេបន្តិចប៉ុន្តែកីឡាករអន្តរជាតិហូឡង់រូបនេះរបូតគ្រាប់បាល់តែនៅលីកកំពូល Eredivisie តែមួយគ្រាប់ប៉ុណ្ណោះ។
ក្រោយពីមិនជាប់ជម្រើស១១នាក់ដំបូងសម្រាប់អតីតគ្រូបង្វឹកលោកOle Gunnar Solskjaer ហើយបន្តមកដល់គ្រូបង្វឹកបណ្តោះអាសន្នលោក Ralf Rangnick សម្រាប់ Henderson នៅតែប្រឈមអនាគតមិនច្បាស់លាស់នោះទេ។ បច្ចុប្បន្នទៀតសោតកីឡាករអន្តរជាតិអេស្បាញ David de Gea នៅតែបង្ហាញពីទម្រង់លេងមិនធ្លាក់ចុះក្នុងរដូវកាលនេះហើយHenderson បង្ហាញខ្លួនបានតែ១លក់គត់នោះគឺការប្រកួតនៅក្របខណ្ឌ EFP Cupនិងមិនទាន់បានចូលលេងទាល់តែ សោះសម្រាប់ការប្រកួតនៅលីកកំពូលអង់គ្លេសរដូវកាលនេះ៕
ប្រភពព័ត៍មាន៖ Sportsmole
