បរទេស៖ លោក Antonio Conte គ្រូបង្វឹកក្លិប Inter Milan បានជម្រុញអោយក្លឹបធ្វើការចរចារដើម្បីឈានដល់ កិច្ចព្រមព្រៀងខ្ចីជើង រឺ ក៏អាចផ្ទេរយកជាអចិន្រ្តៃយ៏សម្រាប់ខ្សែបម្រើនាំលេង N’Golo Kante ពីអតីត ក្លឹបដែលរូបលោកធ្លាប់ដឹកនាំគឺក្រុមតោខៀវ Chelsea កំលុងពេលទីផ្សារដោះដូរកីឡាករដែល កំពុង ដំណើរការយ៉ាងដោះដូរនារដូវក្តៅនេះ។
សមាជិកជ័យលាភី World Cup ២០១៨របស់ក្រុមមាន់គក បារាំងរូបជំនះតស៊ូ លេងកាលពី រដូវ កាលចាស់ ស្របពេលដែលរូបគេបានរងរបួសដែលធ្វើ អោយប៉ះពាល់ដល់ការបង្ហាញ ខ្លួន បានត្រឹមតែ ២២ ប្រកួតប៉ុណ្ណោះនៅលីកកំពូលអង់គ្លេស Premier League ។
ទោះបីជាយ៉ាងនេះក្តីអតីតកីឡាករដែលបានជួយ Leicester City លើកពាន Premier League កាល ពីឆ្នាំ២០១៦រូបនេះ នៅតែមានកុងត្រារយៈពេលបីឆ្នាំទៀត នៅឯកីឡាដ្ឋាន Stamford Bridge។ ក៏ ប៉ុន្តែកីឡាករវ័យ ២៩ ឆ្នាំរូបនេះកំពុងប្រឈម និង ជាចំណែកលើសរបស់គ្រូបង្វឹក Frank Lampard ខណៈ Chelsea អាចនិងលក់រូបគេដើម្បីប្រមូលហិរញ្ញវត្តុប្តូរជំនួសមកវិញនូវខ្សែការពារ Declan Rice របស់ក្លឹប West Ham United៕
ប្រភពព័ត៍មាន៖ Sportsmole