បរទេស៖ Paris Saint-Germain បានបរាជ័យការពិភាក្សានាំយកខ្សែបម្រើនាំលេង N’Golo Kante របស់ក្រុមតោខៀវ Chelsea កំលុងពេលទីផ្សារដោះដូរកីឡាករបានបើកជាលើកទីពីរកំលុងខែមករា២០២២កន្លងទៅ។
ប្រភពពីគេហទំព័របារាំង La Parasien បានចុះផ្សាយថាៈជ័យលាភីWorld Cup ២០១៨ នៅតែបន្តដើរតួជាសមាជិកដ៏សំខាន់របស់ក្រុមលោកThomas Tuchel នៅមិនបានឆ្លើយតបនឹងសំណើរបស់ PSG ទេ ដោយសារតែគាត់ចង់បន្តអាជីពនៅទីក្រុងឡុងដ៍ហើយនៅមិនទាន់មានចេតនាត្រឡប់ទៅប្រទេសបារាំងវិញដែរ។ ទោះយ៉ាងណាកិច្ចសន្យារបស់ Kante នាពេលបច្ចុប្បន្ននឹងផុតកំណត់នៅឆ្នាំ ២០២៣ ខណៈការរំពឹងទុកក្នុងការចាកចេញពីទឹកដីStamford Bridge នៅតែបន្តកើតមានឡើង ប្រសិនជាកីឡាករវ័យ ៣១ ឆ្នាំរូបនេះបើកចំហរឪកាសចាកចេញ ប្រសិនក្រុមជើងឯកChampion League មិនបន្តកិច្ចសន្យាលើកពី១ឆ្នាំដល់រូបគេ។
PSG នៅតែបន្តតាមដានស្ថានភាព និងព្យាយាមទាក់ទង Kante សាជាថ្មីនៅដើមឆ្នាំ២០២៣ បើទោះបីជា រងរបួសក្នុងរដូវកាលនេះ ក៏ប៉ុន្តែកីឡាករដែលប្រើប្រាស់ល្បឿនរត់លឿនបំផុតម្នាក់នេះនៅតែបង្ហាញខ្លួនគ្រប់ក្របខណ្ឌបាន សរុប៣០ ដងអោយChelsea នៅរដូវកាលនេះ៕
ប្រភពព័ត៍មាន៖ Sportsmole