បរទេស៖ លោក Antonio Conte កំពុងសម្លឹងរកការប្រមាញ់អតីតកីឡាកររបស់លោកបីនាក់ដែលក្នុងនោះ អ្នកចាត់ការទូទៅក្រុមពោះយក្ស Inter Milan កំពុងតែដុតដៃដុតជើងត្រៀមចរចារនាំយកខ្សែបម្រើនាំលេង N’Golo Kante ពីក្រុមតោខៀវ Chelsea មកកាន់ទឹកដី Sansiro Stadium។
គួរបញ្ជាក់ផងដែរលោក Conte ធ្លាប់ដឹកនាំ Chelsea ឈ្នះជើងឯក Premier League កាលពីរដូវកាល ២០១៦-២០១៧ ក៏នៅចង់បានខ្សែការពារឆ្វេងសញ្ជាតិប្រេស៊ីល Emerson Palmieri និងខ្សែប្រយុទ្ធជើង ចាស់បារាំង Olivier Giroud មករួមក្រុមផងដែរ។
ប្រភពពី The Express បានចុះផ្សាយថាChelsea បានដាក់តម្លៃខ្លួន ៨០ លានផោន សម្រាប់ខ្សែបម្រើកណ្តាល រូបនេះដើម្បីប្រមូលថវិកាមកវិញពីការចំណាយចុះហត្ថលេខាទៅលើខ្សែប្រយុទ្ធ Timo Wernerនិង ខ្សែបម្រើ Hakim Ziyech ព្រមទាំងខ្សែការពារឆ្វេង Ben Chilwell ស្របពេលដែលខ្សែប្រយុទ្ធអន្តរជាតិអាឡឺម៉ង់ Kai Havertz ស្ថិតយ៉ាងកៀកក្នុងការបញ្ចប់កិច្ចព្រមព្រៀងផ្ទេរមកទឹកដីStamford Bridge ជាផ្លូវការណ៏នៅក្នុងពេលឆាប់ៗនេះ៕
ប្រភពព័ត៍មាន៖ Goal