បរទេស៖ ខ្សែការពារ Sergio Ramos បានបញ្ជាក់កាលពីថ្ងៃពុធថា ខ្សែប្រយុទ្ធ Lionel Messi គួរតែទទួលបានសិទ្ធិដើម្បីសម្រេចទៅលើអនាគតរបស់គេហើយ ខណៈដែលតារាឆ្នើមអន្តរជាតិអាហ្សង់ទីនរូបនេះ ព្យាយាមបង្ខំឲ្យមានការផ្ទេរមួយចេញពីក្លិប Barcelona ក្រោយពីបានចំណាយពេលអស់២ទសវត្សរ៍ជាមួយនឹងក្លិបនេះ។
នៅមុនពេលការប្រកួតពាន UEFA Nations League របស់អេស្ប៉ាញ ជាមួយនឹងក្រុមជម្រើសជាតិអាល្លឺម៉ង់ នៅទីក្រុង Stuttgart Ramos បានឲ្យដឹងថា៖ «រូបគេបានទទួលសិទ្ធិដើម្បីសម្រេចពីអនាគតរបស់គេហើយ។ ខ្ញុំមិនដឹងថា រូបគេកំពុងតែសម្រេចចិត្តដ៏ល្អបំផុត ឬយ៉ាងណាឡើយ។ សម្រាប់កីឡាបាល់ទាត់អេស្ប៉ាញ សម្រាប់ Barca និងសម្រាប់យើង ដែលចូលចិត្តផ្តួលក្រុមខ្លាំងៗ យើងចង់ឲ្យរូបគេបន្តនៅ»។ Ramos បានក្លាយជាគូប្រកួតម្នាក់ក្នុងចំណោមគូប្រកួតរបស់ Messi ខណៈដែល Barca បានប្រជែងដណ្តើមពានក្នុងស្រុក និងពានអឺរ៉ុប ជាមួយនឹងប្រធានក្លិប Real Madrid របស់ប្រធានក្រុមនៃក្រុមជម្រើសជាតិអេស្ប៉ាញរូបនេះ។
កីឡាករទាំង២ ស្ថិតក្នុងវ័យស្របាលគ្នា និងបានឈ្នះពានជាច្រើនដូចគ្នា ខណៈដែលក្រុមទរបស់ពួកគេ បានឈ្នះពាន La Liga ដូចគ្នាក្នុងរយៈពេល១៦រដូវកាលចុងក្រោយនេះ។ ខ្សែការពារវ័យ៣៤ឆ្នាំរូបនេះ បាននិយាយថា ការចាកចេញរបស់តារាឆ្នើមម្នាក់ ក្នុងចំណោមតារាឆ្នើមបំផុត នឹងក្លាយជាការខកចិត្តដ៏ធំមួយសម្រាប់កីឡាបាល់ទាត់អេស្ប៉ាញ៕
ប្រភពព័ត៌មាន៖ Channel News Asia