បរទេស៖ Gareth Bale បាននិយាយថារូបគេបើកចំហរឪកាសក្នុងការវិលត្រលប់ទៅបន្តអាជីពនៅក្របខ័ណ្ឌ Premier League វិញប៉ុន្តែក្រុមអធិរាជស Real Madrid ដែលជាអនាព្យាបាលបាននិងកំពុងបង្កភាពស្មុគស្មាញ ព្រមទាំងការលំបាកដល់ខ្លួនក្នុងការចាកចេញពីទឹកដី Santiago Bernabeu ។គួររំលឹកថាខ្សែប្រយុទ្ធក្រុមជម្រើសជាតិវេលស៍បានបង្ហាញពីការអន់ចិត្ត ក្រោយពីមិនមានឪកាសបង្ហាញខ្លួនចូលលេងបានទៀងទាត់ បានខិតជិតទៅរកការផ្លាស់ទៅលេងនៅលីកកំពូល ចិនកាលពីឆ្នាំមុនតែត្រូវបានក្រុម Real Madrid បង្អាក់ដំណើរការនេះ។
ចូលមកដល់ឆ្នាំ២០២០មានក្លិបផ្សេងទៀតក៏ចាប់អារម្មណ៍ក្នុងការចុះហត្ថលេខាកីឡាករវ័យ ៣១ ឆ្នាំរូបនេះ ទៅរួ មក្រុម ក៏ប៉ុន្តែភ្នាក់ងាររបស់ Bale បានបញ្ជាក់ប្រាប់ថានិយាយថាពីមុន Bale មិនទៅណាទេ។ Bale បានប្រាប់ទូរទស្សន៍ Sky Sports ថា៖ “ខ្ញុំបានព្យាយាមចាកចេញកាលពីឆ្នាំមុនប៉ុន្តែពួកគេ (Real Madrid)បានរារាំងអ្វីៗទាំងអស់នៅវិនាទីចុងក្រោយ។ ផ្ទុយទៅវិញហើយមានករណីផ្សេងទៀតប៉ុន្តែក្លឹបមិនអនុញ្ញាតិ ដូច្នេះវាអាស្រ័យលើក្លឹប។”
ខ្ញុំនៅតែលើកទឹកចិត្តខ្លួនឯងដើម្បីបន្តអាជីពនេះតទៅមុខទៀត ។ ទោះបីឈានដល់វ័យ ៣១ ឆ្នាំប៉ុន្តែខ្ញុំមានអារម្មណ៍ថានៅតែមានកម្លាំង និងឪកាសជាច្រើនបន្តទៀត។តែការពិត វាស្ថិតក្នុងកណ្តាប់ដៃរបស់ក្លិបហើយពួកគេធ្វើអ្វីៗដែលពិបាកសម្រាប់ខ្ញុំ។ ខ្សែបម្រើស្លាបដែលតែងប្រើបច្ចេកទេសល្បឿនលឿន Bale បច្ចុប្បន្ននេះកំពុងមានវត្តមាន ជាមួយក្រុមជម្រើសជាតិវែលនៅទីក្រុង Helsinki ខណៈដែលក្រុមជម្រើសជាតិវែលកំពុងហ្វឹកហាត់ត្រៀមសម្រាប់ការប្រកួត Nations League នៅថ្ងៃព្រហស្បតិ៍នេះជាមួយនឹងប្រទេសហ្វាំងឡង់៕
ប្រភពព័ត៍មាន៖ BBC