បរទេស៖ គ្រាប់បាល់ស៊ុតបញ្ចូលទីនៅជិតបញ្ចប់ការប្រកួតរបស់កីឡាករ Jose Luis Gaya បានជួយឲ្យក្រុមបាល់ទាត់ជម្រើសជាតិអេស្ប៉ាញ ដណ្តើមបានលទ្ធផលស្មើ ១-១ នៅលើទឹកដីក្រុមជម្រើសជាតិអាល្លឺម៉ង់ កាលពីថ្ងៃព្រហស្បតិ៍ ខណៈដែលការចាប់ផ្តើមយុទ្ធនាការ UEFA Nations League បានក្លាយជាចំណុចចាប់ផ្តើមនៃកីឡាបាល់ទាត់អន្តរជាតិ នៅទ្វីបអឺរ៉ុប ក្រោយពីការផ្អាកអស់រយៈពេលអស់រយៈពេល១០ខែ ដោយសារតែការឆ្លងរាតត្បាតរបស់វីរុសកូរ៉ូណា។
ខ្សែការពារ Gaya របស់ក្លិប Valencia បានទទួលឱកាសស៊ុតបាល់បញ្ចូលទីនៅជិតប្រអប់ទី នៅនាទី ទី៦នៃនាទីបន្ថែម ក្នុងទីក្រុង Stuttgart ក្រោយពីកីឡាករ Rodrigo Moreno បានតែតបាល់សំដៅទីពីការបញ្ជូនបានឆ្លងរបស់ Ferran Torres ក្នុងការប្រកួត National League ពូល A ក្រុម 4។ នៅមុនពេលនេះបន្តិច ខ្សែប្រយុទ្ធ Timo Werner របស់ក្លិប Chelsea បានជួយឲ្យក្រុមជម្រើសជាតិអាល្លឺម៉ង់ មានគ្រាប់បាល់នាំមុខមុន ក្រោយពីបញ្ចប់តង់ទី១ ក្នុងការប្រកួតដ៏រំភើបមួយរវាងក្រុមជម្រើសជាតិ២ ដែលជាអតីតម្ចាស់ជើងឯក World Cup ដូចគ្នា។ នេះគឺជាការប្រកួតជាលើកទី១របស់លោក Luis Enrique ក្នុងនាមជាគ្រូបង្វឹករបស់ក្រុមជម្រើសជាតិអេស្ប៉ាញ បើទោះបីត្រូវបានតែងតាំងជាថ្មីកាលពីខែវិច្ឆិកា ឆ្នាំ២០១៩ ក្រោយពីការប្រកួតចុងក្រោយរបស់ពួកគេ ក្នុងការប្រកួតជម្រុះ Euro ឆ្នាំ២០២០។
ប្រធានក្រុមក្រុមអេស្ប៉ាញ Sergio Ramos ដែលបានបង្ហាញខ្លួនជាអន្តរជាតិជាលើកទី១៧១របស់គេ បានឲ្យដឹងថា៖ «ក្រុមនេះ ពោរពេញដោយការជឿជាក់ និងស្រេកឃ្លាន។ យើងមិនសមចាញ់ឡើយ ហើយយើងបានរក្សាការប្រយុទ្ធរហូតដល់ទីបញ្ចប់»៕
ប្រភពព័ត៌មាន៖ Channel News Asia
