បរទេស៖ លោក Donny van de Beek បានបង្ហើបឱ្យដឹងថាមិត្តរួមជាតិហូឡង់កីឡាករ Steven Bergwijn បានប្រាប់អោយរូបគេបដិសេធផ្លាស់ទៅលេងអោយបិសាចក្រហម Man. United ហើយផ្លាស់ម​​ក​ក្លឹបមាន់ខ្នាយមាស Tottenham ជំនួសវិញ។

Bergwijn បានព្យាយាមបញ្ចុះបញ្ចូលរូបគេ អោយផ្លាស់មកទឹកដី London Stadium ខណៈ De Beek បានបង្ហើបប្រាប់យ៉ាងដូច្នេះថាៈ គាត់បានផ្ញើសារមកខ្ញុំថាតើអ្នកមករកយើងរឺអត់? ព្រោះយើងតែងតែ​ទាក់​​ទងគ្នា​ដោយសារតែធ្លាប់ លេងជាមួយគ្នានៅក្លឹប Ajax អស់រយៈពេលជាយូរមកហើយ។

ទោះយ៉ាងណាខ្សែបម្រើ វ័យ ២៣ ឆ្នាំរូបនេះបានសម្រេចផ្ទេរ ពីក្លឹប Ajax មក Man.United កាលពី​សប្តាហ៍មុនក្នុងតម្លៃ ៤០ លានផោនខណៈ Real Madrid, Barcelona និង Arsenal ក៏ចាប់​អារម្មណ៏​លើរូបគេផងដែរ ។ទោះយ៉ាងណា Tottenham មានការយឺតយ៉ាវក្នុងការចរចារ  ដែលជាហេតុធ្វើ​អោយ​ក្រុម​លោក Ole Gunnar Solskjaer មានឪកាសនាំយកមកបានមុន៕

ប្រភពព័ត៍មាន៖ Metro