បរទេស៖ Antoine Griezmann បានច្រានចោលលទ្ធភាពនៃការចាកចេញពីទឹកដី Camp Nou កំលុងពេលទីផ្សារដោះដូរកីឡាករកំពុងដំណើរការមុនរដូវកាលថ្មី La Liga ចាប់ផ្តើម។ សមាជិកជ័យលាភី World Cup ២០១៨ រូបនេះត្រូវបានបណ្តាញសារពត៌មានធ្វើការចុះផ្សាយថា រូបគេមានទំនាក់ទំនងផ្លាស់ទៅ លេងនៅក្របខណ្ឌ Premier League និង ឪកាសវិលត្រលប់ទៅក្លឹបយក្សនៅស្រុកកំណើតគឺ Paris Saint-Germain ។
អតីតខ្សែប្រយុទ្ធក្រុម At Madrid វ័យ ២៩ ឆ្នាំរូបនេះបានបញ្ជាក់ប្រាប់គេហទំព័រM6 ថាៈ ខ្ញុំមិនដឹងថាហេតុអ្វីបានជាមានពត៌មានលេចឡើងពីការចាកចេញរបស់ ខ្ញុំទៅលេងនៅលីកផ្សេងទៀត ។ព្រោះតែ ខ្ញុំ មានទំនុកចិត្តពីក្លឹបនិងគ្រូបង្វឹក។ រដូវកាលមុនគឺជារដូវដ៏លំបាកមួយសម្រាប់អ្នករាល់គ្នាហើយឥឡូវនេះយើងបានត្រៀមខ្លួនជាស្រេចដើម្បីចាប់ផ្តើមសាជាថ្មីម្តងទៀត។
Griezmann បានរួមចំណែករកបានគ្រាប់បាល់១៥ គ្រាប់និងចែកបាល់អោយមិត្តរួមក្រុមស៊ុតបញ្ចូលទី ៤ ដងពីការបង្ហាញខ្លួន ៤៨ លើកគ្រប់ក្របខណ្ឌប្រកួតកាលពីរដូវកាលចាស់ ២០១៩-២០ និងមិនអាចជួយក្លឹបការពារតំណែងជើងឯកបានដោយរបូតតំណែងនេះទៅគូប្រជែង Real Madrid៕
ប្រភពព័ត៍មាន៖ Sportsmole