បរទេស៖ គ្រូបង្វឹករបស់ក្លិបអធិរាជស Real Madrid លោក Zinedine Zidane បានលើកឡើងថាៈខ្ញុំ មិនដែលមានបញ្ហាអ្វីជាមួយកីឡាករអន្តរជាតិវែលកីឡាករ Gareth Bale ឡើយ ខ្ញុំដឹងថាគាត់បានធ្វើអ្វីខ្លះសម្រាប់ក្លឹបនេះ។ គាត់តែងតែបង្ហាញពីគុណភាព ហើយអ្វីដែលគាត់បានជួយក្លឹបសំរេចជោគជ័យគឺជារឿងមិនអាចប្រកែកបានទេ។
Bale វ័យ ៣១ ឆ្នាំដែលបានផ្លាស់ទៅកីឡាដ្ឋានSantiago Bernabeu ក្នុងតម្លៃកំនត់ត្រា ពិភពលោក ៨៥ លានផោនកាលពីឆ្នាំ ២០១៣ បានវិលត្រលប់មកដល់កន្លែងហ្វឹកហាត់របស់ Spurs កាលពីថ្ងៃសុក្រ។ ខណៈខ្សែបម្រើ-ប្រយុទ្ធស្លាបរូបនេះ បានបង្ហាញខ្លួនចូលរួមជាមួយអតីតក្លឹបមាន់ខ្នាយ Tottenham ក្នុងលក្ខខណ្ឌខ្ចីជើងរយៈពេលវែងជាផ្លូវការណ៏កាលពីថ្ងៃសៅរ៏។
Bale បានជួយក្លឹបឈ្នះ Champions League ចំនួន ៤ដង ពាន La Liga ២ ដង Copa del Rey ៣ពានរង្វាន់ Uefa Super Cups និង Club World Cups ៣ ដងជាមួយ Real ហើយរកបានច្រើនជាង ១០០ គ្រាប់។ក្នុងនាមកីឡាករមកពីចក្រភពអង់គ្លេស កីឡាករអង់គ្លេសដែលរកគ្រាប់បាល់បានច្រើនជាងគេនៅ La Liga ដោយរកបាន ៨០ គ្រាប់និង Assist ៤០ ដងក្នុងការបង្ហាញខ្លួននៅលីក La Liga ចំនួន ១៧១ ដង៕
ប្រភពព័ត៍មាន៖ BBC
