បរទេស៖ លោក Jurgen Klopp បានបញ្ជាក់សាជាថ្មីនូវការមិនចូលចិត្តរបស់គាត់ចំពោះអាកប្បកិរិយាមិនគួរ គប្បីបន្ទាប់ពីសមាជិកក្នុងក្រុមហង្សក្រហម Liverpool ធ្វើការសាទរក្នុងន័យបែបចំអកចំពោះការពិន័យកាត ក្រហម ដល់ខ្សែការពារក្រុមតោខៀវ Chelsea កីឡាករ Andreas Christensen កាលពីថ្ងៃអាទិត្យពេល ពួក គេផ្តួលម្ចាស់ផ្ទះក្នុងលទ្ធផល២ទល់និង០។
បន្ទាប់ពីអន្តរាគមន៍ដោយពិនិត្យលើប្រព័ន្ធ VAR កាតលឿងដំបូងសម្រាប់កីឡាករអន្តរជាតិ ដាណឺម៉ាក វ័យ២៤ឆ្នាំមិន ត្រូវបានទទួលស្គាល់ទេ គឺត្រូវទទួលបាន កាតក្រហមជំនួសវិញ គ្រោយព្យាយាម យក ដៃទៅ រារាំង (អោប) កីឡាករគូបដិបក្សគឺខ្សែប្រយុទ្ធ Sadio Mane។ ភ្លាមៗពេលរងការបណ្តេញលោក Klopp បានប្រតិកម្មទៅកាន់សមាជិកដែលជាជំនួយការគ្រូបង្វឹករបស់លោក ជាមួយការពោលពាក្យខ្លាំងៗ ពីខាងក្រៅថា៖ “អ្នកឆ្កួតមែនទេ? យើងមិនដែលធ្វើដូច្នេះទេមែនទេ?”
ម្ចាស់ជើងឯកក្របខ័ណ្ឌ Premier League ឥឡូវនេះបានឈ្នះការប្រកួតពីរលើកដំបូងនៃរដូវកាលការពារតំណែងជើងឯក ដែលជាសារមួយក្រើនរំលឹកដល់គូប្រជែងថាពួកគេចាប់ផ្តើមរដូវកាលថ្មីនេះប្រកបដោយទំនុកចិត្ត បើទោះបីជាគ្រាប់បាល់ទី២របស់ Mane ត្រូវបានមើលឃើញថាជាកំហុសឆ្គងរបស់អ្នកចាំទី Kepa យ៉ាងពិតប្រាកដក៏ដោយ៕
ប្រភពព័ត៍មាន៖ Goal