បរទេស៖ តារាឆ្នើមជើងចាស់ Zlatan Ibrahimovic របស់ក្លិប AC Milan បានតេស្តឃើញជាវិជ្ជមានទៅលើវីរុសកូរ៉ូណា កាលពីថ្ងៃព្រហស្បតិ៍ ប៉ុន្តែ បានឆ្លើយតបថា៖ «កូវីដ មានសេចក្តីក្លាហានក្នុងការប្រជែងជាមួយនឹងខ្ញុំ។ ពិតជាគំនិតអាក្រក់មែន»។
Ibrahimovic ដែលនឹងឈានចូលវ័យ៣៩ឆ្នាំក្នុងរយៈពេល១សប្តាហ៍ទៀត បានឲ្យដឹងនៅលើទំព័រ Twitter ថា៖ «ខ្ញុំបានតេស្តឃើញអវិជ្ជមានទៅលើវីរុសកូវីដ កាលពីថ្ងៃម្សិលមិញ ហើយឃើញវិជ្ជមាននៅថ្ងៃនេះ។ ប៉ុន្តែ ខ្ញុំមិនបញ្ចេញរោគសញ្ញាអ្វីឡើយ។ កូវីដ ពិតជាមានសេចក្តីក្លាហានក្នុងការប្រជែងជាមួយនឹងខ្ញុំគិតមែន។ ពិតជាគំនិតអាក្រក់ណាស់»។ ខ្សែប្រយុទ្ធសញ្ជាតិស៊ុយអែតរូនេះ បច្ចុប្បន្នកំពុងតែនៅដាច់ដោយឡែកពីគេដោយខ្លួនឯង និងបានអវត្តមានក្នុងការប្រកួតជម្រុះ Europa League ជុំទី៣ ក្នុងពេលជួបក្រុមន័រវែស Bodo-Glimt ក្នុងទីក្រុង San Siro កាលពីថ្ងៃព្រហស្បតិ៍។ ការតេស្តឃើញជាវិជ្ជមាននេះនឹងលទ្ធផលដ៏ខកចិត្តសម្រាប់ Ibrahimovic ដែលកំពុងតែស្ថិតក្នុងទម្រង់លេងយ៉ាងល្អ បើទោះបីមានវ័យជ្រេក៏ដោយ។
រូបគេបានស៊ុតបាល់បញ្ចូលទី២គ្រាប់ ក្នុងការប្រកួតបើកឆាកក្នុង Serie A របស់ក្រុម AC Milan នៅពេលប្រកួតជាមួយនឹងក្រុម Bologna កាលពីថ្ងៃចន្ទ ក្រោយពីក៏បានស៊ុតបាល់បញ្ចូលទីផងដែរ ពេលប៉ះក្រុមអៀរឡង់ Shamrock Rovers ក្នុង Europa League។ លោក Paolo Maldini ប្រធានផ្នែកបច្ចេកទេសរបស់ក្លិប AC Milan បានឲ្យដឹងថា៖ «នេះគឺជាការអវត្តមានដ៏ខកចិត្ត និងឥតរំពឹទុកមួយ»៕
ប្រភពព័ត៌មាន៖ Channel News Asia