បរទេស៖ កីឡាករ Javi Martinez បានបង្កើតប្រវត្តិសាស្ត្រមួយផ្សេងទៀតក្នុងពាន UEFA Super Cup សម្រាប់ក្រុម Bayern Munich កាលពីថ្ងៃព្រហស្បតិ៍ ខណៈដែលគ្រាប់បាល់តែតបញ្ចូលទីរបស់គេ នៅនាទីបន្ថែម១៥នាទី២ដង បានជួយឲ្យពួកគេទទួលជ័យជម្នះក្នុងលទ្ធផល ២-១ លើក្រម Sevilla ក្នុងទីក្រុង Budapest។
ក្រោយពីបាននតាមស្មើតាមរយៈគ្រាប់បាល់បញ្ចូលទីដ៏សំខាន់១គ្រាប់នៅនាទី ទី១២០ កាលពី៧ឆ្នាំមុន ដែលនៅនោះក្រុម Bayern បានឈ្នះពាន Super Cup ឆ្នាំ២០១៣ ដោយការស៊ុតបាល់ប៉េណាល់ទីលើក្រុម Chelsea កីឡាករ Martinez បានរកគ្រាប់បាល់បញ្ចូលទីនៅនាទី ទី១០៤ នាកីឡដ្ឋាន Puskas Arena ដើម្បីជួយឲ្យក្រុមម្ចាស់ជើងឯក Champions League របស់គេ លើកពាន Super Cup ជាលើកទី៤ក្នុងឆ្នាំ២០២០។ ក្រោយពីកីឡាករ Lucas Ocampos បានស៊ុតបាល់ប៉េណាល់ទីនៅដើមតង់ដើម្បីជួយឲ្យក្រុម Sevilla មានគ្រាប់បាល់នាំមុខមុន ខ្សែបម្រើ Leon Goretzka បានរកគ្រាប់បាល់តាមស្មើវិញសម្រាប់ក្រុម Bayern ដែលត្រូវបានកាត់សេចក្តីមិនឲ្យមានគ្រាប់បាល់ចូលទីជាផ្លូវការ២លើក នៅមុនពេលកីឡាករបម្រុង Martinez វ័យ៣២ឆ្នាំ រកបានគ្រាប់បាល់បំប៉ោងសំណាញ់ទី។
ក្រុម Bayern អាចនឹងឈ្នះពានទី៥របស់គេនៅថ្ងៃពុធ សប្តាហ៍ក្រោយ នៅពេលដែលពួកគេធ្វើជាម្ចាស់ផ្ទះទទួលក្រុម Borussia Dortmund ក្នុងទីក្រុង Munich ក្នុងការប្រកួតពាន German Super Cup៕
ប្រភពព័ត៌មាន៖ Channel News Asia