បរទេស៖ ខ្សែប្រយុទ្ធ Luis Suarez បានយំខ្ចិបខ្សួល ខណៈដែលរូបគេត្រូវនិយាយថា លាហើយទៅកាន់ក្លិប Barcelona កាលពីថ្ងៃព្រហស្បតិ៍ ប៉ុន្តែ បានបញ្ជាក់ថា រូបគេចង់បង្ហាញថា រូបគេនៅតែអាចផ្តល់កម្រិតលេងដ៏ខ្ពស់បំផុត ក្រោយពីបានចូលរួមជាមួយនឹងក្រុមស្ថិតក្នុងក្របខ័ណ្ឌ La Liga មួយទៀតគឺ Atletico Madrid។
ក្នុងស្ថិតក្នុងសន្និសីទ សារព័ត៌មានរួមជាមួយនឹងមិត្តភក្តិដ៏ល្អបំផុតរបស់ខ្លួន Lionel Messi កីឡាករ Suarez បាននិយាយថា លាហើយទាំងរំជួលចិត្ត ក្រោយពីបានស៊ុតបាល់បញ្ចូលទី១៩៨គ្រាប់សម្រាប់ក្រុម Barcelona ដើម្បីក្លាយជាកីឡាកររកបានគ្រាប់បាល់ច្រើនជាងគេបំផុតលំដាប់ទី៣ ក្នុងប្រវត្តិសាស្ត្ររបស់ក្លិបនេះ។ ក្នុងពេលជូតទឹកភ្នែកចេញពីភ្នែក ក្រោយពីត្រូវបានប្រកាសឈ្មោះដោយប្រធានក្លិបលោក Josep Maria Bartomeu ខ្សែប្រយុទ្ធ Suarez បានឲ្យដឹងថា៖ «នេះគឺជាការធ្វើឲ្យល្អប្រសើរឡើង ពីព្រោះខ្ញុំមិនមានអ្វីដែលត្រៀមទុកមុនឡើយ»។
ការផ្ទេររបស់កីឡាករវ័យ៣៣ឆ្នាំរូបនេះ ទៅកាន់ក្លិប Atletico ក្នុងកិច្ចសន្យារយៈពេល២ឆ្នាំ ត្រូវបានប្រកាសឡើងជាផ្លូវការកាលពីយប់ថ្ងៃពុធ។ក្លិប Atletico បានចុះហត្ថលេខាជាមួយនឹង Suarez ដោយគ្មានតម្លៃខ្លួន ប៉ុន្តែ អាចនឹងបង់ប្រាក់ឧត្ថម្ភផ្សេៗឲ្យក្លិប Barcelona ចំនួន៦លានអឺរ៉ូ (ស្មើនឹង៦,៩លានដុល្លារអាមេរិក)៕
ប្រភពព័ត៌មាន៖ Channel News Asia
