បរទេស៖ អតីតខ្សែប្រយុទ្ធ Liverpool និង Barcelona កីឡាករ Luis Suarez បានបញ្ជាក់ថាខ្លួនបានឈានដល់ការចុះកិច្ចព្រមព្រៀងជាបឋម ដើម្បីចូលរួមជាមួយក្លឹបដំបូងក្នុងអាជីពរបស់គាត់ឈ្មោះ Nacional ក្នុងប្រទេសកំណើត Uruguay រួចរាល់ហើយ។
គួរបញ្ជាក់កីឡាករវ័យ ៣៥ ឆ្នាំរូបនេះបានក្លាយជាកីឡាករដែលអាចផ្ទេរចេញដោយគ្មានតម្លៃខ្លួន (Free Transfer) ក្រោយពីកិច្ចសន្យារបស់វីរបុរស Barcelona រូបនេះ ជាមួយ Atletico Madrid ផុតកំណត់នៅរដូវក្តៅនេះ។ការវិលត្រឡប់របស់ Suarez ដើម្បីបង្ហាញខ្លួនជាមួយក្លឹប Nacional ត្រូវបានគេរំពឹងថានឹងកើតមាន យ៉ាងហោចណាស់កំលុងពេលនៃការចាប់ផ្តើមនៃការប្រកួតបាល់ទាត់ពិភពលោកឆ្នាំ ២០២២ ក្នុងខែវិច្ឆិកា។
នៅក្នុងវីដេអូមួយនៅលើប្រព័ន្ធផ្សព្វផ្សាយសង្គមអតីតខ្សែប្រយុទ្ធAjax បាននិយាយប្រាប់បណ្តាញសារព័ត៌មានលម្អិតអ្វីៗត្រូវបានបញ្ចប់ ហើយ :យើងសង្ឃឹមថានឹងឈានដល់កិច្ចព្រមព្រៀងដែលយើងទាំងអស់គ្នាចង់បាន ។គួរបញ្ជាក់ផងងដែរថាអ្នកគាំទ្រក្លឹប Nacional ប្រមាណ២០០០០ ម៉ឺននាក់ បានពាក់ម៉ាស់មានរូប Suarez ក្នុងការប្រកួតថ្មីៗនេះផងដែរក្រោយពត៌មានឈានដល់កិច្ចព្រមព្រៀងបានកើតមានឡើងនោះ។គួរបញ្ជាក់ថាSurez បានបង្ហាញខ្លួនក្នុងអាជីពជាលើកដំបូងជាមួយ Nacional នៅវ័យ ១៨ ឆ្នាំក្នុងឆ្នាំ ២០០៥ ដោយបានជួយឱ្យពួកគេឈ្នះពានរង្វាន់លីគ Uruguay និងបានបន្តផ្លាស់ទៅលេងនៅក្លឹប Groningen នៅលីកកំពូលហូឡង់ នៅរដូវកាលបន្ទាប់៕
ប្រភពព័ត៍មាន៖ BBC