បរទេស៖ Luis Suarez កំពុងសម្លឹងឃើញឪកាសផ្លាស់ទៅលេងនៅលីកកំពូលអាស៊ីរឺក៏នៅអាមេរិកដែលជាទីកន្លែងដ៏ល្អប្រសើរជាងនេះនៅពេលដែលកិច្ចសន្យារបស់ខ្លួនឈានដល់ទីបញ្ចប់នៅកីឡាដ្ឋាន Wanda Metropolitano។
នៅក្នុងបទសម្ភាសន៏ដកស្រង់ដោយESPNជាមួយមិត្តរួមជាតិ Diego Lugano ខ្សែប្រយុទ្ធជើងចាស់សញ្ជាតិអ៊ុយរូហ្គាយរបស់ក្លឹប Atletico Madrid បានច្រានចោលឪកាសវិលត្រឡប់ទៅបញ្ចប់អាជីពនៅលីកកំពូលនាទ្វីបអាមេរិកខាងត្បូងវិញ។ Suarez បញ្ជាក់ថាៈខ្ញុំឱ្យតម្លៃយ៉ាងខ្លាំងចំពោះការខិតខំប្រឹងប្រែងដែលខ្ញុំបានលះបង់កន្លងមកដើម្បីឈរនៅលើកំពូល ហើយបន្សល់ទុកនូវប្រវត្តសាស្រ្ត ដ៏ល្អមួយ តែប្រសិនបើខ្ញុំត្រលប់ទៅលេងនៅ អាមេរិកខាងត្បូងវិញក្នុងវ័យ ៣៦ ឬ ៣៧ ឆ្នាំ នោះអ្នកគាំទ្រប្រាកដជាមិនពេញចិត្តនិងទាមទារឱ្យខ្ញុំអាចមានសមត្ថភាពដូចកាលនៅវ័យ២៧ រឺ ៣០ឆ្នាំដូច្នេះដែរ ។“ហើយប្រសិនបើខ្ញុំមិនអាចធ្វើបានក្នុងវ័យនោះទេខ្ញុំពិតជាទទួលបាននូវការរិះគន់ជាក់ជាមិនខាន។ដូច្នេះលីកកំពូលអាស៊ីនិងអាមេរិកគឺជាជម្រើស ល្អហើយមិនរកសម្ពាធនោះទេ។
Luis Suarez បច្ចុប្បន្នមានវ័យ៣៤ ឆ្នាំ បានសម្រេចចិត្តចូលរួមជាមួយក្លឹបគូប្រជែង Atletico Madrid កាលពីមួយឆ្នាំមុន បន្ទាប់ពីខកចិត្តនិងមិនមានឈ្មោះក្នុងបញ្ជីប្រើប្រាស់របស់គ្រូបង្វឹកលោក Ronald Koeman ក្រោមហេតុផលថារូបគេមានវ័យចាស់ពេក។ អតីតខ្សែប្រយុទ្ធហង្សក្រហមLiverpoolបានចុះហត្ថលេខារយៈពេល២ ឆ្នាំដើម្បីចូលរួមជាមួយក្រុម លោក Diego Simeoneនិងបានជួយពួកគេឈ្នះពានLa Liga កាលពីរដូវកាលមុន។ បច្ចុប្បន្នក្លឹបក៏កំពុងពិចារណាបន្តកុងត្រាដល់រូបគេបន្តទៀតក្រោយពីទម្រង់លេងរបស់Suarezមិន មានការធ្លាក់ចុះនោះទេ៕
ប្រភពព័ត៍មាន៖ Besoccer
