បរទេស៖ លោក Jurgen Klopp បាននិយាយកាលពីថ្ងៃចន្ទថា លោកពិតជាមានការរំភើបចិត្តចំពោះកម្រិតស្តង់ដារដេលក្រុម Liverpool មាន នៅដើមរដូវកាលនៃក្រខ័ណ្ឌ Premier League ក្រោយពីបានវាយបកដេញតាមពីក្រោយដើម្បីផ្តួលក្រុម Arsenal ក្នុងលទ្ធផល ៣-១ នាកីឡដ្ឋាន Anfield។
គ្រាប់បាល់ស៊ុតបញ្ចូលទីពីសំណាក់កីឡាករ Sadio Mane, Andy Robertson និង Diogo Jota បានជួយឲ្យក្រុមម្ចាស់ផ្ទះផ្តួលក្រុមកាំភ្លើងធំ ដែលបានទទួលជ័យជម្នះក្នុងការប្រកួតបើកឆាកទាំ២ប្រកួតរបស់ខ្លួននៅរដូវកាលនេះ។ ស្របពេលដែលក្រុម Manchester City, Chelsea, Manchester United, Tottenham និងក្រុម Arsenal សុទ្ធសឹងបានភ្លក្សរសជាតិនៃការរបរាជ័យនៅត្រឹមសប្តាហ៍ទី៣ នៃយុទ្ធនាការថ្មីនេះ ក្រុម Liverpool រកបាន៩ពិន្ទុពេញ ដើម្បីបង្ហាញថា ពួកគេនៅតែជាក្រុមដ៏ខ្លាំងនៅក្នុង Premier League នារដូវកាលនេះ។
លោកគ្រូបង្វឹក Klopp បានឲ្យដឹងថា៖ «វាពិតជានៅដើមរដូវកាលនៅឡើយទេ ហើយជាមួយនឹងទម្រង់លេងនេះ ពិតជាអស្ចារ្យណាស់។ តាំងពីវិនាទីដំបូង យើងបានគ្រប់គ្រងលើក្រុមដែលមានទម្រង់លេងល្អ។ យើងត្រូវតែប្រុងប្រយ័ត្នខ្លាំងទៅលើការវាយបករហ័សមកវិញ»៕
ប្រភពព័ត៌មាន៖ Channel News Asia
