បរទេស៖ លោក Zinedine Zidane គ្រូបង្វឹករបស់ក្រុម Real Madrid បានបញ្ជាក់កាលីថ្ងៃអង្គារថា តារាឆ្នើមអន្តរជាតិបែលហ្ស៊ិក Eden Hazard នឹងត្រូវវិលចូលលេងវិញ ក្រោយពីអវត្តមានការប្រកួត២លើក ក្នុងក្របខ័ណ្ឌ La Liga នៅរដូវកាលនេះ ដោយសារតែបញ្ហារបួសកជើង។
Hazard បានលេងជាលើកចុងក្រោយឲ្យក្រុមម្ចាស់ជើងឯកអេស្ប៉ាញមួយនេះ នៅក្នុងក្របខ័ណ្ឌ Champions League កាលីខែសីហា ពោលគឺក្នុងពេលចាញ់ក្រុម Manchester City ក្នុងយុទ្ធនាការជាលើកដំបូងរបស់គេនៅកីឡដ្ឋាន Santiago Bernabeu ដែលជាកន្លែងរូបគេបានស៊ុតបាល់បញ្ចូលទីត្រឹមតែ២គ្រាប់គត់ ក្រោយពីរងរបួសជាបន្តបន្ទាប់។ នៅមុនពេលការប្រកួតក្របខ័ណ្ឌលីកជាមួយនឹងក្រុម Real Valladolid នៅលើទឹកដីខ្លួនឯងនៅរាត្រីនេះ លោក Zidane បានឲ្យដឹងថា៖ «ខ្ញុំឃើញថា រូបគេកំពុងតែស្ថិតកាន់តែកៀកហើយ។ រូបគេត្រៀមខ្លួនរួចរាល់ហើយ ដោយរូបគេកំពុងតែហ្វឹកហាត់យ៉ាងល្អជាមួយនឹងក្រុមនេះ»។
លោកបានប្រាប់បន្ថែមទៀតថា៖ «រូបគេធ្វើការហ្វឹកហាត់ជាទៀងទាត់ ហើយរូបគេកំពុងតែធ្វើបានយ៉ាងល្អ ហើយយើងនឹងរង់ចាំមើលពីរបៀដែលយើងដាក់ឲ្យរូបគេលេង»។ អតីតខ្សែប្រយុទ្ធរបស់ក្លិប Chelsea រូបនេះ ត្រូវបានរិះគន់ដោយបណ្តាញសារព័ត៌មានក្នុងស្រុក ដែលលើកឡើងថា រូបគេបានលើសទម្ងន់ ក្រោយពីរូបគេបានចូលរួមកាលពីខែកក្កដា ឆ្នាំ២០១៩ ក្នុងតម្លៃខ្លួន១០០លានអឺរ៉ូ (ស្មើនឹង១១៧លានដុល្លារអាមេរិក៌ រូបគេបានបង្ហាញខ្លួន២២លើក សម្រាប់ក្រុមរបស់លោក Zidane ក្រោយពីរងរបួសប្រអប់ជើង និងបញ្ហាសរសៃពួរគន្លាក់ជើង៕
ប្រភពព័ត៌មាន៖ Channel News Asia