បរទេស៖ Newcastle United បានដាក់សំណើដេញថ្លៃ Eden Hazard នៅមុនពេលទីផ្សារដោះដូរកីឡាករនិងបើកជាលើទីពីរនៅខែមករា២០២២ខាងមុខនេះ។យោងគេហទំព័រ El Nacional បានចុះផ្សាយថា ក្លឹបសារិកាព្រៃបានបើកឱកាសជាលើកដំបូងក្នុងការទិញកីឡាករចំណូលថ្មី ក្រោយចាប់តាំងពីក្លឹបត្រូវបានកាន់កាប់ដោយប្រធានថ្មី។
Newcastle បច្ចុប្បន្នកំពុងតស៊ូងងើបចេញពីតំបន់កាត់ចេញ នឹងមានបំណងចង់ស្តារមុខមាត់ថ្មី សម្រាប់ ក្លឹបនៅពាក់ណ្តាលរដូវកាលនេះ។ យោង El Nacional របស់អេស្បាញបានចុះផ្សាយថា Newcastle បានដេញថ្លៃទឹកប្រាក់ ៣៤.៦ លានផោនដើម្បីចុះហត្ថលេខានាំយកអតីតខ្សែបម្រើស្លាបក្លឹប Chelsea ពីក្លឹប Real Madrid ប៉ុន្តែក្រុមអធិរាជសចង់បានតម្លៃខ្លួនកីឡាករអន្តរជាតិបែលហ្សិករូបនេះនៅទឹកប្រាក់ចំនួន ៤២ លានផោនឯណោះ។
ទោះយ៉ាងណា ក្រុមលោក Eddie Howe បច្ចុប្បន្នស្ថិតនៅបាតតារាងក្របខណ្ឌ Premier League ដូច្នេះវាជាមូលហេតុមានភាពលំបាកក្នុងការបញ្ចុះបញ្ចូល Hazard អោយមកចូលរួមជាមួយពួកគេ។ Hazard បានខកខានការប្រកួតរហូតដល់ជាង ៦០ ប្រកួត ជាមួយក្រុមអេស្ប៉ាញ ដោយសារតែបញ្ហារបួសជាច្រើនដែលបានញាំញីពេលប្រកបអាជីពនៅទឹកដីSantiago Bernabeu៕
ប្រភពព័ត៍មាន៖ Sportsmole