បរទេស៖ Chelsea កំពុងពិចារណានាំយកវីរបុរសរបស់ពួកគេគឺ Eden Hazard មករួមក្លឹបវិញក្នុង កិច្ចសន្យាខ្ចីជើង។ ខ្សែបម្រើស្លាបសញ្ជាតិបែលហ្ស៊ិកបានចាកចេញពីក្រុមតោខៀវទៅចូលរួមជាមួយក្រុម Real Madrid ក្នុងឆ្នាំ ២០១៩ បន្ទាប់ពីចំណាយពេល ៩ ឆ្នាំនៅទឹកដីStamford Bridge ដោយបានបង្ហាញខ្លួនចំនួន ៣៥២ប្រកួតនិង ស៊ុតបញ្ចូលទីបាន១១០ គ្រាប់ជាមួយតោខៀវ ។ប៉ុន្តែអាជីពនៅទឹកដីអេស្បាញគឺបាន ជួបការលំបាកនិងចាប់ផ្តើមអាជីពមិនទទួលបានលទ្ធផលផ្លែផ្កានិងទទួលបានជោគជ័យទេដោយសារតែបញ្ហារបួសញ៉ាំញីជានិច្ចជាកាល។
ទោះបីជាHazard បានវិលត្រលប់មករកភាពប្រក្រតីឡើងវិញក្រោយដោះស្រាយបញ្ហារបួស ក៏ប៉ុន្តែរូបគេមិនអាចជាប់់ជម្រើស១១នាក់ដំបូងសម្រាប់ក្រុមគ្រូបង្វឹកអ៊ីតាលីលោកCarlo Ancelloti នៅរដូវកាលនេះទេ ខណៈការរំពឺងពីអនាគតនៅទឹកដីSantiago Bernabeu នៅតែជារឿងមន្ទិលសង្ស័យ។
បច្ចុប្បន្នក្រុមជើងឯកChampion League ១៣សម័យកាល Real Madrid មានបំណងចង់បញ្ចេញHazardដោយ យោងគេហទំព័រ ABC បានចុះផ្សាយថាក្លឹបយក្សដែលមានមូលដ្ឋាននៅរាជធានីប្រទេសបារាំងមានបំណងលក់ប្រធានក្រុមជម្រើសជាតិបែលហ្សិកជាអចិន្រ្តៃយ៏នៅបញ្ចប់រដូវកាល ស្របពេលក្លឹបដែលមានមូលដ្ឋាននៅទីក្រុងឡុងគឺChelseaដ៏ត្រៀមដាក់សំណើរខ្ចីជើងHazardនៅ ក្នុងខែមករា ជាមួយនឹងជម្រើសទិញផ្តាច់នៅរដូវក្តៅខាងមុខផងដែរ៕
ប្រភពព័ត៍មាន៖ Sportsmole
