បរទេស៖ ក្រុម Arsenal បានយកឈ្នះលើក្រុម Liverpool ដោយការស៊ុតបាល់ប៉េណាល់ទីកាត់សេចក្តីក្នុងលទ្ធផល ៥-៤ ដើម្បីឈានទៅប្រកួតដណ្តើមពាន League Cup វគ្គ៨ក្រុមចុក្រោយ កាលពីថ្ងៃព្រហស្បតិ៍ ក្រោយពីបានបញ្ចប់ក្នុងលទ្ធផលស្មើ ០-០ ក្នុងរយៈពេល៩០នាទី។
ស្របពេលដែលក្រុមម្ចាស់ជើងឯកក្របខ័ណ្ឌ Premier League ផ្លាស់ប្តូរសមាជិកក្រុមជាច្រើន ទៅលើក្រុមដែលបានផ្តួលក្រុម Arsenal ក្នុងលទ្ធផល ៣-១ ក្នុងការប្រកួតលីកកាលពីថ្ងៃចន្ទ ហើយគូប្រកួតរបស់ខ្លួនក៏បានផ្លាស់ប្តូរកីឡាករដែរនោះ ការប្រកួតរបស់ពួកគេ មិនបានផ្តល់នូវការទាក់ទាញខ្លាំងឡើយ។
Liverpool បានបង្កើតឱកាសល្អប្រសើរជាង និងគួរតែទទួលបានបាល់ប៉េណាល់ទីនៅនាទី ទី៤៤ នៅពេលដែលកីឡាករ Diogo Jota ត្រូវបានធ្វើឲ្យដួលក្នុងប្រអប់គ្រោះថ្នាក់ ប៉ុន្តែ បានត្រឹមបាល់ពិន័យ Free-kick ប៉ុណ្ណោះ។ លោក Mikel Arteta គ្រូបង្វឹករបស់ក្រុម Arsenal បានកោតសរសើរក្រុមខ្លួនទៅលើការស្តារមុខមាត់វិញភ្លាមៗ តាមរយៈការនិយាយថា៖ «យើងនៅតែមានចំណុចជាច្រើនដែលត្រូវរៀន ប៉ុន្តែ យើងកំពុងតែស្ថិតលើផ្លូវដ៏ខ្ពស់។ នេះគឺជាលើកទី៣ហើយដែលក្នុងរយៈពេល៨សប្តាហ៍ ដែលយើងបានលេងជាមួយនឹងក្រុមខ្លាំងបំផុតនៅអឺរ៉ុប ហើយនេះគឺជាការបោះជំហានទៅមុខសម្រាប់ក្រុមរបស់ខ្ញុំ»៕
ប្រភពព័ត៌មាន៖ Reuters
