បរទេស៖ ការប្រកួតពាន League Cup វគ្គពាក់កណ្តាលផ្តាច់ព្រ័ត្រ ជើងទី១របស់ Liverpool ជាមួយនឹងក្រុម Arsenal ដែលត្រូវបានគ្រោងរៀបចំឡើងនៅរាត្រីនេះ ត្រូវបានពន្យារពេលដោយសារតែការកើនឡើងករណីឆ្លងកូវីដ ១៩។
នេះបើយោងទៅតាមការប្រកាសរបស់ Liverpool លើគេហទំព័ររបស់ខ្លួន។ Liverpool បានបិទទីលានហ្វឹកហាត់របស់ខ្លួនកាលពីថ្ងៃពុធ និងបានដាក់លោក Jurgen Klopp លោក Pepijn Lijnders ដែលជាជំនួយការគ្រូបង្វឹក និងកីឡាករជាច្រើននាក់ទៀតឲ្យនៅដាច់ដោយឡែក ដោយសារតែទទួលលទ្ធផលតេស្តជាវិជ្ជមាន។ លោក Klopp និងកីឡាករ៣នាក់ រួមមាន Alisson Becker, Joel Matip និង Roberto Firmino បានធ្វើចត្តាឡីស័ករួចជាស្រេច នៅមុនពេលការឆ្លងជាបន្តបន្ទាប់នាពេលថ្មីៗនេះ។
Liverpool បានឲ្យដឹងក្នុងសេចក្តីថ្លែងការណ៍មួយថា៖ «សំណើរបស់ក្លិបនេះដើម្បីស្នើសុំឲ្យមានការរៀបចំការប្រកួតនេះឡើង ត្រូវបានអនុម័តដោយលីកអង់គ្លេស (EFL) ដោយសារតែការកើនឡើងករណីឆ្លងកូវីដ ១៩ ក្នុងចំណោមកីឡាករ និងបុគ្គលិក»។ បច្ចុប្បន្ន ការប្រកួតរបស់ពួកគេជាមួយនឹងក្រុម Arsenal នឹងត្រូវប្រព្រឹត្តទៅនៅថ្ងៃព្រហស្បតិ៍ សប្តាហ៍ក្រោយវិញ៕
ប្រភពព័ត៌មាន៖ Channel News Asia