បរទេស៖ ក្រុមហង្សក្រហម Liverpool បានវាយបកពីការដេញតាមពីក្រោយ២គ្រាប់ ដើម្បីផ្តួលក្រុម Leicester ដោយការស៊ុតបាល់ប៉េណាល់ទី ក្រោយពីការប្រកួតពាន League Cup វគ្គ៨ក្រុមចុងក្រោយដ៏ស្វិតស្វាញរបស់ពួកគេ បានបញ្ចប់ក្នុងលទ្ធផលស្មើ ៣-៣ នាកីឡដ្ឋាន Anfield ស្របពេលដែលក្រុម Tottenham និង Chelsea ក៏បានឈានទៅគ្គពាក់កណ្តាលផ្តាច់ព្រ័ត្រ កាលពីថ្ងៃពុធផងដែរ។
ក្រុម Spurs បានយកឈ្នះក្នុងលទ្ធផល ២-១ លើក្រុម West Ham ស្របពេលដែលក្រុម Chelsea បានរកគ្រាប់បាល់២គ្រាប់នៅជិតបញ្ចប់ការប្រកួត ដើម្បីផ្តួលក្រុម Brentford ៣-០។
រាល់ការប្រកួតទាំង៣លើក បានដំណើរការជាធម្មតា ពីមុខអ្នកគាំទ្រដ៏ច្រើនកុះករ បើទោះបីមានការបារម្ភពីការផ្ទុះឡើងវិញនៃការឆ្លងវីរុសកូរ៉ូណាក៏ដោយ ក្រោយពីមានករណីឆ្លងជាច្រើនក្នុងក្របខ័ណ្ឌ Premier League ដែលនាំឲ្យមានការពន្យារពេលការប្រកួតជាច្រើនកាលពីចុងសប្តាហ៍មុន។
ការប្រួត២លើកមុននេះរបស់ Leicester ត្រូវបានពន្យារពេល ដោយសារតែការឆ្លងវីរុសកូវីដ ១៩ ក្នុងក្រុម និងការមានកីឡាកររបួសច្រើន៕
ប្រភពព័ត៌មាន៖ Channel News Asia