បរទេស៖ Liverpool បានទទួលជ័យជម្នះក្នុងការប្រកួតពាន League Cup វគ្គផ្តាច់ព្រ័ត្រទាំងភាពរំភើប ខណៈដែលេអ្នកចាំទី Kepa Arrizabalaga របស់ Chelsea បានស៊ុតបាល់ប៉េណាល់ទីកាត់សេចក្តីអត់ចូលទី ដែលនាំឲ្យក្រុមហង្សក្រហមមួយនេះ ទទួលជ័យជម្នះដោយការស៊ុតបាល់ណាល់ទីក្នុងលទ្ធផល ១១-១០ ក្រោយពីបានបញ្ចប់ក្នុងលទ្ធផលស្មើ ០-០ នាកីឡដ្ឋាន Wembley កាលពីថ្ងៃអាទិត្យ។
ក្រុមរបស់លោក Jurgen Klopp បានលើកពាននេះ ជាលើកដំបូង បើគិតចាប់តាំងពីបានឈ្នះ League Cup ឆ្នាំ២០១២ ក្រោយពី Kepa បានស៊ុតបាល់រំលងរបារទី។ នេះគឺជាការស៊ុតបាល់ប៉េណាល់ទីអត់ចូលតែមួយ១គ្រាប់ ស្របពេលដែលអ្នកចាំទី Caoimhin Kelleher របស់ Liverpool ក៏បានស៊ុតបាល់ប៉េណាល់ទីបញ្ចូលទីផងដែរ នៅមុនពេល Kepa ធ្វើមិនបានសម្រេច។ Kepa ត្រូវបានប្តូរឲ្យចូលលេងនៅជិតបញ្ចប់នាទីបន្ថែម១៥នាទី២ដង ដើម្បីជំនួស Edouard Mendy ដោយសារតែរូបគេមានកេរិ៍្តឈ្មោះខាងសង្គ្រោះបាល់ប៉េណាល់ទី ប៉ុន្តែ ម្តងនេះ អ្នកចាំទីសញ្ជាតិអេស្ប៉ាញរូបនេះ មិនបានសង្គ្រោះបាល់សូម្បីតែ១គ្រាប់។
Liverpool លើកពាន League Cup ជាលើកទី៩ ដើម្បីឡើងឈរលើ Manchester City ស្របពេលដែលលោក Klopp គឺជាអ្នកចាត់ការទូទៅសញ្ជាតិអាល្លឺម៉ង់ដំបូងគេដែលបានលើកពាននេះ ក្រោយពីបានភ្លក្សរសជាតិឈ្នះ នៅកីឡដ្ឋាន Wembley បន្ទាប់ពីចាញ់២លើកក្នុងនាមជាគ្រូបង្វឹកនៅទីនោះ៕
ប្រភពព័ត៌មាន៖ Channel News Asia