បរទេស៖ កីឡាករ Olivier Giroud បានបំបែកកំនត់ត្រាអតីតកីឡាករល្បីល្បាញក្រុមមាន់គកបារាំងលោក Michel Platini ដើម្បីក្លាយជាអ្នករកគ្រាប់បាល់បានច្រើនបំផុតទី ២ ក្នុងប្រវត្តិសាស្រ្តក្រុមជម្រើសជាតិក្រោយរកបានគ្រាប់បាល់បញ្ចូលទី២គ្រាប់នៅតង់ទី២ក្នុងជំនួបមិត្តភាពផ្តួលគូប្រជែងមកពីអឺរ៉ុបបែកខាងកើតអ៊ុយក្រែនក្នុងលទ្ធផល ៧ ទល់និង១កាលពីយប់ថ្ងៃពុធ។
ខ្សែប្រយុទ្ធជើងចាស់របស់ក្រុមតោខៀវ Chelsea រូបនេះបច្ចុប្បន្នរកបាន ៤០ គ្រាប់និងឈរនៅលំដាប់លេខរៀងទី២ បន្ទាប់ពីវីរបុរសក្រុមកាំភ្លើងធំ Arsenal លោក Thierry Henry ប៉ុណ្ណោះដែលឈរនៅឈរនៅលំដាប់ទី១ក្រោយបង្ហាញខ្លួនការប្រកួតជាលើកទី១០០នេះ។ក្នុងការប្រកួតនោះដែរអ្វីដែលគួរអោយទទួលបានចាប់អារម្មណ៏គឺកីឡាករខ្សែបម្រើដើមកំណើតអង់ហ្គូឡាកីឡាករ Eduardo Camavinga ត្រូវបានគ្រូបង្វឹកលោក Didier Deschamps ផ្តល់ឪកាសបង្ហាញខ្លួនសម្រាប់ការប្រកួតនេះជាមួយទម្រង់លេងដ៏ល្អបំផុតដោយរកបានគ្រាប់បាល់ដោយការទាត់បាល់បកក្រោយ (Bicycle Kick) បន្ទាប់ពីចូលលេងបាន ៩នាទី៕
ប្រភពព័ត៍មាន៖ Goal