បរទេស៖ បម្រើ Paul Pogba របស់ក្រុមបិសាចក្រហមបានសារភាពថាវាជាក្តីសុបិន្តសម្រាប់ការលេងអោយក្រុមអធិរាជស Real Madrid នៅថ្ងៃណាមួយនាពេលអនាគត។ ទោះបីបានបង្ហើបប្រាប់ពីឈ្មោះក្លឹបនៅក្នុងក្តីស្រម៉ៃបែបនេះក្តីក៏កីឡាករវ័យ ២៧ឆ្នាំរូបនេះបានបញ្ជាក់ថាខ្លួននិងធ្វើអ្វីៗគ្រប់យ៉ាងដើម្បីក្រុមបិសាចក្រហមសមនឹងទទួលបាន។
សមាជិកជ័យលាភី World Cup ២០១៨ និងជាកីឡាករមានតម្លៃខ្លួនថ្លៃបំផុតប្រចាំក្រុមគឺប្រមាណ ៨៩លានផោនក្រោយផ្ទេរពី Juventus ដើម្បីវិលត្រលប់មកទឹកដី Old Trafford វិញកាលពីឆ្នាំ២០១៦ កិច្ចសន្យារបស់គេនិងផុតកំណត់នៅចុងបញ្ចប់រដូវកាលថ្មីនេះ។យ៉ាងណាមិញនៅក្នុងសន្និសីទសារព័ត៌មានជាមួយក្រុមជម្រើសជាតិមាន់គកកបារាំងកាលពីថ្ងៃព្រហស្បតិ៍ Pogba បានប្រាប់ថា៖ ខ្ញុំមិនបាននិយាយជាមួយអនុប្រធានប្រតិបត្តិរបស់ក្លឹប លោក Ed Woodward ទេ។ ហើយក៏មិនបាននិយាយអំពីកិច្ចព្រមព្រៀងថ្មីជាមួយក្លឹបដែរ។
បន្ទាប់ពីរូបគេធ្វើតេស្តិ៍រកមេរោគកូវីត-១៩កាលពីខែសីហាត្រូវដាក់អោយនៅដាច់តែម្នាក់ឯង Pogba បានបង្ហាញខ្លួនក្នុងជម្រើស១១នាក់ដំបូងសម្រាប់ការប្រកួត៣លើកនៅរដូវកាលនេះ៕
ប្រភពព័ត៍មាន៖ BBC