បរទេស៖ ក្រុម Manchester City ខិតជិត ដល់កិច្ចព្រមព្រៀងបន្តកិច្ចសន្យាថ្មីរយៈពេល៥ឆ្នាំជាមួយខ្សែបម្រើ Kevin De Bruyne នៅឯកីឡដ្ឋាន Etihad Stadium បន្តទៀត។កីឡាករអន្តរជាតិប៊ែលហ្សិករូបនេះបានផ្ទេរពីក្រុម Wolfsburg ក្នុងឆ្នាំ២០១៥ និងបានចូលលេងសរុបចំនួន ២២៧លើកសម្រាប់ក្រុមមេឃខៀវដោយរកបាន ៥៨ គ្រាប់និងបង្កើតឪកាស (Assist) សម្រាប់មិត្តរួមក្រុមដល់ទៅ៩០ដងឯណោះ។
កិច្ចព្រមព្រៀងរបស់ De Bruyne ជាមួយក្រុមគ្រូបង្វឹកលោក Pep Guardiola មានសុពលភាពរហូតដល់ខែមិថុនាឆ្នាំ ២០២៣ប៉ុន្តែប្រភពពីគេហទំព័រ Daily Mail បានចុះផ្សាយថាកីឡាករសំខាន់ (Key Player) រូបនេះបានព្រមព្រៀងនិងត្រៀមចុះហត្ថលេខាបន្តកិច្ចសន្យាថ្មីជាមួយកំលាំងពលកម្មនឿយហត់នៅទឹកប្រាក់ ៣០០.០០០ ផោនក្នុងមួយសប្តាហ៍។ប្រភពដដែលបន្តថាក្លឹប Man City ក៏ ចង់ឃើញ De Bryne បញ្ចប់អាជីពរបស់ខ្លួនជាមួយក្លឹបក្រោយចុះហត្ថលេខាលើកិច្ចសន្យាថ្មី។
រដូវកាលចាស់រូបគេស៊ុតបញ្ចូលទីបាន ១៦គ្រាប់និង Assist ២៣ ដងក្នុងការបង្ហាញខ្លួនសរុប ៤៨ដងគ្រប់ក្របខណ្ឌប្រកួត។បើទោះបីជាមិនអាចការពារតំណែងជើងឯកអង់គ្លេសបានតែកីឡាករវ័យ ២៩ឆ្នាំរូបនេះបានចូលរួមចំណែកជួយក្រុមលើកពាន Premier League ៣លើកក្នុងរយៈពេល៥ឆ្នាំចុងក្រោយ៕
ប្រភពព័ត៍មាន៖ Sportsmole