បរទេស៖ ក្រុមតោខៀវ Chelsea ត្រៀមនឹងផ្តល់សំណើរកិច្ចសន្យាថ្មីដល់ខ្សែបម្រើកណ្តាល Jorginho ដើម្បីផ្តល់ជារង្វាន់នូវ ភាពស្មោះត្រង់របស់រូបគេដែល បដិសេធផ្លាស់ទៅ លេងនៅ ក្លឹបគូ ប្រជែងរួមទីក្រុងគឺកាំភ្លើងធំ Arsenal។ Jorginho បានចូលរួមជាមួយ Chelsea នៅឆ្នាំ២០១៨ពីក្លឹប Napoli កំលុងពេលអតីតគ្រូបង្វឹកលោក Maurzio Sarri កាន់តួនាទីដឹកនាំ។
កីឡាករដើមកំណើតប្រេស៊ីលតែមានសញ្ជាតិអ៊ីតាលីវ័យ២៨ឆ្នាំរូបនេះ មានការចាប់អារម្មណ៏ពីសំណាក់ក្លឹបធំៗ២កន្លងមកគឺក្រុមម្ចាស់ជើងឯក FA Cup កាំភ្លើងធំ Arsenal និងជើងឯកអ៊ីតាលី Juventus ក៏ប៉ុន្តែទីំផុតរូបគេសម្រេចបន្ត នៅលេងនាកីឡាដ្ឋាន Stamford Bridge ជាបន្តទៀត។
គួរបញ្ជាក់ថាក Chelsea និងក្របខណ្ឌ Premier League ត្រូវវិលត្រលប់មកធ្វើការប្រកួតនៅចុងសប្តាហ៍នេះខណៈពួកគេបើកទ្វារកីឡាដ្ឋានស្វាគមន៍ក្រុម Southampton៕
ប្រភពព័ត៍មាន៖ Football.london