បរទេស៖ ក្លឹបយក្សនៅអុីតាលី Juventus ត្រូវបានគេរាយការណ៍ថាបានចាប់អារម្មណ៍ចង់ចុះហត្ថលេខាលើខ្សែបម្រើឆ្នើម Jorginho របស់ក្លឹប Chelsea នៅទីផ្សារដោះដូរកីឡាកររដូវក្តៅខាងមុខ។
ខ្សែបម្រើវ័យ២៩ឆ្នាំរូបនេះក្លាយជាកីឡាករសំខាន់របស់លោក Tuchel ចាប់តាំងពីគ្រូបង្វឹកសញ្ជាតិអាល្លីម៉ង់រូបនេះមកដឹកនាំ Chelsea ហើយរូបគេទើបតែជួយអោយ Chelsea យកឈ្នះលើ Liverpool កាលពីយប់ថ្ងៃព្រហស្បតិ៍ផងដែរ។ ខ្សែបម្រើរូបនេះបានមានពាក្យចរចាមរាមថានឹងត្រលប់ទៅលេងនៅទឹកដីអុីតាលីវិញតាំងពីឆ្នាំមុនមកម្លេះ។
បើយោងទៅតាម Tuttosport បានអោយដឹងថា Juventus មានគម្រោងចង់ពង្រឹកតំបន់បម្រើរបស់ខ្លួនបន្ថែមទៀត ហើយខ្សែបម្រើ Jorginho អាចជាគោលដៅរបស់ពួកគេក្នុងការនាំចូលរួមក្រុម៕
ប្រភពព័ត៍មាន៖ Sportsmole