បរទេស៖ Manchester City បានបង្ហាញពីក្តីកង្វល់ និងអាចរងនូវផលប៉ះពាល់ដ៏ធំមួយមុនពេលការប្រកួតក្របខ័ណ្ឌ Premier League ដ៏សំខាន់របស់ពួកគេនៅចុងសប្តាហ៏ថ្ងៃសៅរ៏នេះជាមួយ Arsenal បន្ទាប់ពីខ្សែបម្រើដ៏សំខាន់គឺ Kevin De Bryne អាចអវត្តមានក្រោយរងរបួសពេលបំពេញភារកិច្ចសម្រាប់ក្រុមជម្រើសជាតិ។
យ៉ាងណាមិញគ្រូបង្វឹកក្រុមបែលហ្សិកលោក Roberto Martinez បានបញ្ជាក់នៅ នៅថ្ងៃអង្គារនេះថា កីឡាករនាំលេងដ៏សំខាន់របស់ពួកគេបានមិនបានរងរបួសទេតែកំពុងតែត្រូវការពេលវេលាដើម្បីធ្វើអោយមានភាពប្រសើរឡើងផ្នែកកាយសម្បទា។ដូច្នេះហើយរូបគេត្រូវវិលត្រលប់ទៅក្លឹប Man City វិញ និងមិនអាចជួយក្រុមសម្រាប់ការប្រកួតពានរង្វាន់ Uefa Nation League ជាមួយក្រុមអ៊ីស្លង់នៅថ្ងៃពុធនេះបានទេ។ កាលពីថ្ងៃអាទិត្យខ្សែបម្រើកណ្តាលរូបនេះចូលលេងបាន៧៣នាទីពេលដែលក្រុមចំណាត់ថ្នាក់លេខ៣ World Cup ចាញ់តោកំណាចអង់គ្លេស ២ ទល់និង១។កាលពីរដូវកាលចាស់រូបគេគឺជាកីឡាករដែលបង្កើតឪកាសអោយមិត្តរួមក្រុមស៊ុតបញ្ចូលទីបានច្រើនបំផុតដោយធ្វើបាន២០ដង និងជាប់ជាកីឡាករឆ្នើមបំផុតប្រចាំរដូវកាលក្របខណ្ឌ Premier League។
សម្រាប់ក្រុមលោក Mikel Arteta បានចាប់ផ្តើមរដូវកាលថ្មីយ៉ាងល្អដោយរកបាន ៩ពិន្ទុពីការប្រកួត ៤ដងរបស់ពួកគេដូចជាក្រុមការពារតំណែងជើងឯកហង្សក្រហម Liverpool ដូច្នេះដែរ៕
ប្រភពព័ត៍មាន៖ Metro