បរទេស៖ បើយោងទៅសារព័ត៍មាន Mundo Deportivo បានចុះផ្សាយថា ក្លឹប FC Barcelona ចាប់អារម្មណ៍ចង់ចុះហត្ថលេខាយកខ្សែបម្រើឆ្នើមរបស់ក្លឹប Manchester United កីឡាករ Paul Pogba នៅពេលចប់កុងត្រាជាមួយនឹង Man Utd។
Paul Pogba បានឈានចូលឆ្នាំចុងក្រោយនៃកុងត្រារបស់គាត់ជាមួយនឹង Man Utd ហើយ ទោះបីជាមានកិច្ចសន្យាអាចបន្ថែមមួយទៀតក៏ពិតមែន ប៉ុន្តែខ្សែបម្រើវ័យ២៧ឆ្នាំរូបនេះបានអះអាងកាលពីពេលកន្លងទៅថា មិនទាន់មានការចរចារណាមួយរវាងប្រធានក្លឹបបិសាចក្រហមលោក Ed Woodward អំពីការចុះកុងត្រាថ្មីនៅឡើយទេ។
កីឡាករសញ្ជាតិបារាំងរូបនេះត្រូវបានចាប់ផ្តើមផ្ទុះពាក្យចរចាមរាមថាចាកចេញពីក្រុមបិសាចក្រហមមួយរយៈហើយ ជាពិសេសកិច្ចសន្យារបស់គាត់ជាមួយនឹងក្លឹប Man Utd នៅសល់រយៈពេលតែ៨ខែទៀតប៉ុណ្ណោះ៕
ប្រភពព័ត៍មាន៖ Onefootball