បរទេស៖ លោក Jurgen Klopp អ្នកចាត់ការទូទៅរបស់ក្លិប Liverpool បានប្រកាសថា លោកបានផ្ញើសារ «ដ៏វែងអន្លាយមួយ» ទៅកាន់កីឡាកររបស់លោក ក្រោយពីការរងបរាជ័យដ៏អាម៉ាសរបស់ពួកគេក្នុងលទ្ធផល ៧-២ ក្រោមស្នាដៃក្រុម Aston Villa។
លោក Klopp បានរងបរាជ័យដ៏ធំបំផុតក្នុងអាជីពជាគ្រូបង្វឹករបស់លោក នៅលើទឹកដី Villa Park កាលពីដើមខែនេះ។ ការបង្ហាញពីទម្រង់លេងដ៏អន់ដែលមិននឹកស្មានដល់ពីក្រុមម្ចាស់ជើងឯកនៃក្របខ័ណ្ឌ Premier League មួយនេះ បានបញ្ចប់កំណត់ត្រាមិនស្គាល់ចាញ់រប់ពួកគេ និងបានបង្ហាញពីភាពទន់ខ្សោយក្នុងតំបន់ការពារ ដែលបានស្តែងចេញឲ្យឃើញរួចជាស្រេចនៅរដូវកាលនេះ។ សមាជិកភាគច្រើននៃក្រុមរបស់លោក Klopp បានធ្វើដំណើរទៅបំពេញការតព្វកិច្ចអន្តរជាតិភ្លាមៗ ក្រោយពីការរងបរាជ័យនោះ ហើយបុរសសញ្ជាតិអាល្លឺម៉ង់រូបនេះ បានសម្រេចចិត្តបង្ហាញពីអារម្មណ៍ពិតរបស់លោកតាមរយៈការផ្ញើសារទៅកាន់តារាឆ្នើមៗរបស់លោក។
BIRMINGHAM, ENGLAND – OCTOBER 04: Virgil van Dijk of Liverpool , Takumi Minamino of Liverpool react after Aston Villas 6th goal during the Premier League match between Aston Villa and Liverpool at Villa Park on October 04, 2020 in Birmingham, England. Sporting stadiums around the UK remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by Catherine Ivill/Getty Images)
លោកបានប្រាប់ទូរទស្សន៍ BBC កាលពីថ្ងៃព្រហស្បតិ៍ថា៖ «រាត្រីនោះបន្ទាប់ពីការប្រកួត មិនមែនជារាត្រីដ៏ល្អសម្រាប់ជីវិតខ្ញុំឡើយ ប៉ុន្តែ ខ្ញុំបានងើបពីគេងនៅពេលព្រឹក ហើយខ្ញុំបានដឹងថា ខ្ញុំត្រូវតែនិយាយទៅកាន់កីឡាកររបស់ខ្ញុំ ប៉ុន្តែ ពួកគេមិនស្ថិតនៅទីនេះឡើយ»។ លោកបានបន្ថែមទៀតថា៖ «ខ្ញុំបានផ្ញើសារដ៏វែងអន្លាយមួយទៅកាន់ពួកគេ។ សារនោះនិយាយពីការគិតរបស់ខ្ញុំអំពីអ្វីដែលបានកើតឡើង»៕
ប្រភពព័ត៌មាន៖ Channel News Asia
