បរទេស៖ ក្រុមជើងឯកលីគកំពូលអ៊ីតាលីបានប្រកាសកាលពីថ្ងៃព្រហស្បតិ៍ថា ពួកគេបានខាតបង់ទឹកប្រាក់៨៩,៧លានអឺរ៉ូ ស្មើនឹង១០៥លានដុល្លារកាលពីរដូវកាលចាស់គិតត្រឹមថ្ងៃទី៣០ខែមិថុនាសម្រាប់រដូវកាល២០១៩-២០២០។
ប្រធានក្លឹបលោក Andrea Agnelli ដែលបានធ្វើជាប្រធាននៃកិច្ចប្រជុំម្ចាស់ភាគហ៊ុនរបស់ក្លឹបដែលមានមូលដ្ឋាននៅទីក្រុងទូរីនបានប្រកាសតាមរយៈសន្និសីទវីដេអូថាមូលហេតុសំខាន់នៃការខាតបង់ផ្នែកហិរញ្ញវត្តុនេះគឺបណ្តាលមកពីការរីករាលដាលនៃមេរោគកូវីត-១៩។ គួរបញ្ចាក់ថាការខាតបង់របស់ម្ចាស់ជើងឯក Serie A ៩សម័យកាលគឺមានចំនួនច្រើនជាងឆ្នាំ២០១៩ ដែលមានត្រឹមតែ៣៩,៩លានអឺរ៉ូប៉ុណ្ណោះ ធៀបទៅនិងរដូវកាលចាស់២០១៨-២០១៩។
Juventus ក៏បានប្រកាសអំពីការរៀបចំរចនាសម្ព័ន្ធថ្មីដោយតែងតាំងលោក Federico Cherubini ជានាយកផ្នែកបាល់ទាត់ថ្មីដោយទទួលខុសត្រូវផ្ទាល់សម្រាប់ក្រុមជម្រើសទីមួយ៕