បរទេស៖ លោក Frank Lampard អ្នកចាត់ការទូទៅរបស់ក្រុមតោខៀវ ជឿជាក់ថា ក្រុមម្ចាស់ការពារតំណែងជើងឯកទ្វីបអឺរ៉ុ Bayern Munich គឺជាក្លិបគំរូមួយសម្រាប់ក្រុមកីឡាករវ័យក្មេងរបស់លោក ខណៈដែលពួកគេសម្លឹងរកការធ្វើឲ្យបានល្អប្រសើរគ្រប់ចំណុចទាំងអស់ នៅមុនពេលការប្រកួតបើកឆាកនៃក្របខ័ណ្ឌ Champions League ជាមួយនឹងក្រុម Sevilla នៅរាត្រីនេះ។
ក្រុម Bayern បានលត់ក្រុម Chelsea យ៉ាងចាស់ដៃក្នុងលទ្ធផលទាំង២ជើង ៧-១ ក្នុងការប្រកួតវគ្គ១៦ក្រុមចុងក្រោយ កាលពីរដូវកាលមុន នៅមុនពេលពួកគេបានលើកពានទ្វីបអឺរ៉ុបជាលើកទី៦ កាលពីខែសីហា។ លោក Lampard បានប្រាប់សន្និសីទសារព័ត៌មានកាលពីថ្ងៃអង្គារថា៖ «នេះគឺជាផ្លាតហ្វមដ៏អស្ចារ្យមួយក្នុងការរៀនសូត្រ ពីព្រោះអ្នកកំពុងតែលេងជាមួយនឹងក្រុមខ្លាំងៗបំផុត ហើយយើងបានលេងជាមួយនឹងក្រុមខ្លាំងដូចជា Bayern Munich»។
លោកបានប្រាប់បន្ថែមទៀតថា៖ «យើងគឺជាក្រុមប្រជុំដោយកីឡាករវ័យក្មេងកាលពីរដូវកាលមុន ដោយនៅសល់ចំណុចជាច្រើនដែលត្រូវបានអភិវឌ្ឍ ហើយការប្រកួតជាមួយនឹងក្រុម Bayern គឺជាបទពិសោធដ៏អស្ចារ្យមួយសម្រាប់កីឡាករវ័យក្មេងក្នុងក្រុមនេះ ដើម្បីទទួលស្គាល់ថា ពីកម្រិតនានា ដែលត្រូវទទួលយក។ ខ្ញុំចងចាំទីពីកាលដែលខ្ញុំស្ថិតជាកីឡាករវ័យក្មេងម្នាក់។ ក្នុងចំណោមកីឡាករដែលយើងបានទិញចូល កីឡាករខ្លះមានបទពិសោធច្រើនក្នុងក្របខ័ណ្ឌ Champions League ជាងកីឡាករផ្សេង»៕
ប្រភពព័ត៌មាន៖ Channel News Asia